-
Os nosos non puideron marcar na súa visita a Burgáns, pero conseguiron un empate
Santiago de Compostela, 28 de febreiro de 2026
A SD Compostela sumou un empate en Cambados na xornada aprazada no seu día. Os nosos non puideron pasar da igualada, tralo 0-0 final. Con este punto, os nosos aumentan a súa vantaxe no liderado ata os 3 puntos.
Os nosos puxéronse ao día na competición e fixérono cun partido moi igualado en Burgáns. As defensas dominaron sobre os ataques e o resultado non se moveu. Álex Cobo sacou unha gran man na primeira parte, para evitar o gol local. Mentres que a máis clara para os nosos estivo nas botas de Antón Guisande, pero o seu centro desde liña de fondo, tras tocar nun rival, escapouse por moi pouco.
Ademais, cabe destacar tamén o debut co primeiro equipo de Lucas Besada, xogador do filial da Canteira Picheleira, quen entrou na recta final do duelo.
Con este empate, os nosos alcanzan os 46 puntos e aumentan a súa renda no alto da táboa ata os tres puntos. Vantaxe que o Compos tentará aumentar a próxima semana, de novo fóra de casa, contra o Lugo B.
FICHA TÉCNICA
0 – CJ CAMBADOS: Conde; Brais Parada, Rodri, Alberto Lago (Álex Fer, min.83), Tavares, Deco; Gonzalo (Dieguito, min.75), Piñeiro, Anxo (Seydou, min.92), Iglesias; e Tiko.
0 – SD COMPOSTELA: Álex Cobo; Valín, Diego Uzal, Pablo Crespo, Riki Mangana (Aarón Martínez, min.45); Unai Peón, Rosón (Cañi, min.63); Parapar (Lucas Besada, min.86), Antón Guisande, Armental (Charly, min.63); e Maceira (Samu, min.45).
GOLES: Sen goles.
ÁRBITRO: David Táboas (Vigo). Amarelas a Brais e Deco, polo Cambados; e a Diego Uzal e Pablo Crespo, polo Compos.
INCIDENCIAS: Campo Municipal de Burgáns (Cambados). Xornada 20 de Liga do Grupo 1 da Terceira RFEF, aprazada no seu día polas condicións meteorolóxicas. Gran presenza de afeccionados desprazados desde Santiago de Compostela.
