-
O extremo coruñés Parapar, tras un extraordinario play off, competirá na Segunda Federación co Compos
Santiago de Compostela, 7 de xullo de 2026
O Vero Boquete volverá desfrutar da maxia de Juan Manuel Parapar. O extremo coruñés, un dos líderes do equipo a pasada campaña, especialmente no play off, regresa coa SD Compostela á Segunda Federación.
Tras volver ao Compos co obxectivo de conseguir o ascenso, Parapar comprometeuse por unha campaña máis co cadro branquiazul. Será a súa quinta tempada na capital galega, a cuarta que disputará na Segunda Federación. En total, suma xa 133 partidos coa camiseta compostelanista.
No que respecta ao último ano, Parapar foi un dos xogadores máis utilizados do plantel, superando os 2.600 minutos de xogo, repartidos en 37 partidos, 30 deles como titular. A súa calidade foi unha tónica durante toda a campaña, pero fíxose especialmente notoria na fase de ascenso, na que liderou, co seu xogo e carácter, ao equipo branquiazul. Ademais, trasladou o seu rendemento tamén a cifras, con oito goles e cinco asistencias.
Agora, tralo ascenso, buscará seguir namorando á bancada coas súas cabalgadas por banda, os seus caneos e os seus disparos de media e longa distancia. Todo iso, co reto de conseguir o mellor para o Compos.
