-
O central asturiano Miguel Prado, cunha sólida traxectoria na categoría, chega procedente do Ourense CF
Santiago de Compostela, 15 de julio de 2026
Un reforzo de primeira para o centro da zaga: Miguel del Prado Barrio (Xixón, 31/03/1999) é novo xogador da SD Compostela para a Tempada 2026/27. O central asturiano chega tras tres tempadas no Ourense CF, onde foi peza fundamental no ascenso e no seu paso pola Primeira Federación. Firma ata xuño de 2027.
Miguel Prado, aos seus 27 anos, é un defensor cunha consolidada traxectoria na categoría, que aportará experiencia, xerarquía e regularidade á zaga branquiazul. Un central que destaca pola súa solidez, a súa contundencia nos duelos, o seu dominio do xogo aéreo e a súa capacidade para iniciar o xogo desde atrás. Calidades todas elas que foron valoradas pola dirección deportiva para acometer a súa fichaxe.
Chega ao Compos de Segunda Federación tras tres grandes tempadas no Ourense CF. Na cidade das Burgas disputou 112 partidos, 92 deles coma titular, superando amplamente os 2.000 minutos de xogo cada campaña, mesmo chegando aos 3.000 na última. Estes datos amosan a súa importancia no equipo, tanto para acadar o meritorio ascenso da 23/24, sendo campións do Grupo 1, como nos dous cursos na Primeira Federación. E, como non, nas históricas eliminatorias da Copa do Rei. Ademais, tamén mostrou o seu poderío nas xogadas a balón parado, marcando 4 goles.
Formado na canteira do Sporting de Xixón, con anterioridade, tamén pasou polas filas da UD Llanera, en Terceira; e polo Marino de Luanco, en dúas etapas, e SD Formentera na Segunda Federación. En total, na categoría suma 81 encontros.
Coa ilusión de afrontar este novo reto na súa carreira, Miguel Prado achegará a súa seguridade defensiva e o seu carácter competitivo ao bo facer do equipo. E farao xa desde mañá, uníndose á pretempada branquiazul.
Benvido, Miguel!
