O Compos cae eliminado nos penaltis da Copa Federación

9 de Setembro de 2026
Once do Compos, co debut de Iago, Pablo Crespo, Roque e Turby nesta tempada.
Armental, tras non facer a pretempada, foi titular por primeira vez.
Buba conduce un balón no partido do Compos contra o Marino.
Goris xogou os 120 minutos e levou o control do xogo.
Unai Peón liderou a zaga.
Turby debutou co primeiro equipo en partido oficial.
Roque redebutou co Compos en partido oficial.
Mario Hermo marcou o primeiro gol da tempada, firmando o seu primeiro tanto coa camiseta do Compos.
O Compos caeu nos penaltis na Copa Federación.
Iago Domínguez, que redebutou co Compos, parou un dos penaltis.
Nos penaltis, o Compos errou tres e o Derio so un.
  • Os nosos quedan eliminados da Copa Federación tras un encontro no que Velarde, porteiro rival, foi o gran heroe

Santiago de Compostela, 9 de setembro de 2026

A SD Compostela quedou apeada da Copa Federación tras caer nos penaltis contra o Derio. Unha actuación estelar de Alain Velarde, porteiro rival, evitou que o partido se decidise antes (1-1) e na quenda fatídica a contenda caeu ao lado visitante (1-3).

Despois da derrota na Liga, o Compos regresaba á súa casa este mércores coa firme intención de deixar atrás o mal día contra o Marino e recuperar as boas sensacións da pretempada. A primeira rolda da Copa Federación permitía aos nosos ter un desquite rápido.

Con trocos no once, o Compos quixo imprimirlle ritmo ao partido desde o arrinque. Con continuas internadas polas bandas, as ocasións non tardaron en chegar: un gol anulado a Buba, un man a man que non puido aproveitar o propio dianteiro compostelanista, un remate arriba de Turby, outro rozando o pau de Ces Cotos, un man a man de Goris… houbo oportunidades de todas as cores, pero o tanto resistíuselle aos nosos na primeira metade, 0-0.

Á volta dos vestiarios, o encontro seguiu co mesmo guión. As máis claras nos primeiros compases tivéronas Teofilovic, atopándose co porteiro; e Parapar, mandándoa xunto ao pau, pero os que marcarían serían os visitantes, nunha acción de fortuna, xa que o disparo de Lacuesta golpeou nun dos nosos, cambiando a traxectoria e acabando na rede.

Un golpe duro de dixerir, pero o Compos soubo reaccionar rápido e empatou o duelo aos dous minutos. Nunha acción rápida, Edu González conectou con Mario Hermo, que penetrou desde atrás e fusilou á rede, 1-1.

Quedaban vinte minutos que foron de monólogo compostelanista. Tívoa Roque, cun centrochute que se envelenou e que salvou o porteiro con apuros, pero, sobre todo, rozou o tanto Edu González. O dianteiro, nun man a man, tentou picar a pelota sobre Alain, pero o porteiro adiviñoulle as intencións. No rexeite, pediuse penalti, por unha posible agarrada do meta, pero o colexiado non decretou nada. Por iso, con empate no marcador, o partido foise á prórroga.

Durante o tempo extra, aínda se incrementou máis a presenza ofensiva do Compos, pero en cada ocasión o resultado foi o mesmo, unha soberbia actuación de Aitor Velarde. O meta sacou tres paradas de escándalo a Edu González. A primeira, a unha cacholada a contrapé; a segunda, a un disparo cruzado; e a terceira foi un pé brutal a un remate a queimarroupa.

Chegouse ao momento fatídico e nos penaltis a fortuna caeu do bando visitante. Iago parou un e Alain outro, pero os erros de Parapar, ao traveseiro, e Manu Rivas, arriba, decidiron a quenda por 1-3.

Deste xeito, carentes de fortuna para as múltiples ocasións de gol xeradas, os nosos quedaron apeados na primeira rolda do título copeiro. Agora toca recuperar forzas e centrarse na liga, comezando polo duelo contra o Portugalete deste domingo, ás 11:30 horas, na Florida.

FICHA TÉCNICA

1 (1) SD Compostela: Iago Domínguez; Roque (Manu Rivas, min.99), Unai Peón, Pablo Crespo (Damián, min.46); Armental (Mario Hermo, min.46), Ces Cotos (Dani González, min.46), Goris, Turby; Parapar, Buba (Antón Guisande, min.78) e Teofilovic (Edu González, min.64).

1 (3) CD Derio: Alain Velarde; Unai Saralegui (Lacuesta, min.59), Ugaitz, Ander Fernández, Asier (Egileor, min.10), Rubén Esparza; Mikel Baig (Oier Díaz, min.59), Xabi Ugalde (Boada, min.78), Galder, Mitxel (Álvaro Fernández, min.90); e Guipu (Urbina, min.59).

Goles: 0-1: Lacuesta, min.67; 1-1: Mario Hermo, min.69. En penaltis: 0-0: Parapar (erro); 0-1: Galder (gol); 1-1: Edu González (gol); 1-2: Urbina (gol); 1-2: Manu Rivas (erro); 1-2: Álvaro Fernández (erro); 1-2: Dani González (erro); 1-3: Lacuesta (gol).

Árbitro: José Antonio Martínez (Castela e León). Amoestou a Buba, Pablo Crespo, Roque, Goris, Edu González, Antón Guisande e Samuel Solleiro (banco), adestrador de porteiros, polo Compos; e a Saralegui e Galder, polo Derio.

Incidencias: Estadio Vero Boquete de San Lázaro (Santiago de Compostela). Partido de dezaseisavos de final da Copa Federación disputado ante 689 espectadores.

Flickr


Youtube

Instagram Compos

Facebook

10 hours ago

SD Compostela
🔚 FINAALDeportivo Alavés B 1️⃣-1️⃣ COMPOSValioso punto dos nosos nun campo tremendamente complicado🤯🖐️Edu Sousa foi clave parando un penalti co partido 1-1 no treito final🔜🩵🤍 A vindeira semana agardamos por todos vós para recibir ao Bergantiños #minigloriascompos ... See MoreSee Less
Ver en Facebook

13 hours ago

SD Compostela
📋🩵🤍 OS NOSOS 11👨‍🏫 Carlos de Lerma🆚 Deportivo Alavés B#minigloriascompos ... See MoreSee Less
Ver en Facebook

14 hours ago

SD Compostela
🎂 Hoxe está de aniversario o noso 🐈, Iago DomínguezMoitos parabéns, Iago!! 🩵🤍Que o poidamos celebrar cunha +3⃣ esta mañá en Vitoria! 📸 Nacho Castaño ... See MoreSee Less
Ver en Facebook

15 hours ago

SD Compostela
DÍA DE COMPOS! 🩵🤍🆚 Deportivo Alavés B🏟️ Ibaia 3🕛 12:00 horas🎟️ 10€❌📺 🙌 A recuperar a senda do triunfo en Vitoria!📸 @nacho_castano_#minigloriascompos ... See MoreSee Less
Ver en Facebook

1 day ago

SD Compostela
✅📋 CONVOCATORIA👨‍🏫 Carlos de Lerma🆚 Deportivo Alavés B👉 Os nosos para o encontro de mañá ás 12:00 horas en Vitoria! Regresan á convocatoria tralas súas lesións Ces Cotos e Armental#minigloriascompos ... See MoreSee Less
Ver en Facebook

CONTACTO

sdcompostela@sdcompostela.com

981 57 70 41

Av. de Fernando de Casas Novoa, 20, 15707 Santiago de Compostela, A Coruña.

 

All contents © copyright SD Compostela. All rights reserved.