Santiago de Compostela, a 15 de Febreiro de 2017.
Comprometidos coa causa. A SD Compostela quixo premiar aos primeiros en rematar o I Álbum de cromos da Sociedade Deportiva Compostela regalándolles un lote de queixos, denominación Arzúa-Ulloa, por xentileza de Queixería Barral. Os premiados foron Amadeo Rey e Ramón Vives.
A entidade branquiazul convídavos a que, do mesmo xeito que Amadeo e Ramón, acabedes o voso álbum. Xa sabedes que podedes conseguir os sobres de cromos na tenda oficial (en Reizentolo, rúa do Vilar 43), nas Oficinas do Club (Estadio de San Lázaro) e en Peluquería Kris (Centro Comercial Novo Milladoiro).
E se vos faltan poucos, asistide ás quedadas que organizamos, xa que é unha forma de facilitar a consecución dese cromo que tanto se che resiste, ou de intercambiar aquel outro que tes dous ou tres veces repetido.
