- Kevin Alain García foi o invitado do segundo día
Santiago de Compostela, a 27 de Xuño de 2017.
Segundo día de Campus nas Cancelas coa visita de Kevin Alain García Martín. O colexiado santiagués de Segunda División B, categoría na que arbitrou en trece encontros esta tempada, foi o invitado para esta segunda xornada na que, lamentablemente, a choiva tivo un papel protagonista.
A diferenza da xornada anterior, os nenos tiveron que sacar a roupa de abrigo para xogar con maior comodidade. Alternaron xogos e actividades, como o primeiro día, divididos en diferentes grupos por idades.
Ao final da mañá chegou o momento da charla, na que Kevin, acompañado de Amine Alaoui, colexiado recentemente ascendido a Preferente, comentaron cos mozos as características da súa profesión. Recibiron unha miniclase na que interpretaron a importancia do árbitro no fútbol, unha figura ás veces descoidada polo futbolista.
Ademais, neste segundo día, sorteouse un paraugas do club, ideal para os días de choiva como o desta xornada.
