Víctor Moreno Soler (Cuenca, 1984) é o actual director deportivo do CD Lugo dende a súa incorporación a mediados do ano pasado.
Como futbolista estivo intimamente ligado a Cuenca, xogando nas categorías inferiores do Conquense ata competir posteriormente en 3ª División co CD Cuenca e na Preferente co San José Obrero; os seus seguintes cargos xa serían como adestrador e como director deportivo. No 2011 comeza a súa traxectoria no Albacete Balompié, formando parte da secretaría técnica como observador, analizando partidos, rivais e xogadores, e onde se va facendo un oco como unha peza fundamental ata converterse en director deportivo. Confecciona o cadro de xogadores que ascende a 2ª División, momento no que nace a súa relación con Luís César Sampedro, adestrador do CD Lugo no momento da súa fichaxe polo club galego.
