-
Poderase recoller no Centro Comercial As Cancelas ata o sábado
Santiago de Compostela, 24 de abril de 2023
A SD Compostela, como agasallo do mes de abril da súa Campaña de Abonados, entregará unha invitación para o encontro contra o CD Laredo a todos aqueles abonados maiores de idade que se acheguen polo Punto de Información do Centro Comercial As Cancelas antes do domingo.
Con esta nova promoción, os abonados maiores de idade, presentando o seu abono, poderán retirar unha invitación para a súa mesma bancada (Tribuna ou Preferencia) para o encontro que se disputará este próximo domingo, 30 de abril, ás 12.00 horas no Estadio Verónica Boquete de San Lázaro.
Estará dispoñible desde mañá martes, 25 de abril, e ata o sábado, 29 de abril, no posto situado na planta baixa da área comercial. O horario de atención ao cliente é de 10.30 horas ata as 21.00 horas.
Promoción dentro da Campaña de Abonados.
Ademais, dentro desta promoción, apoiada polos nosos patrocinadores As Cancelas e Fútbol Mahou, todos aqueles que desexen retirar a invitación, recibirán tamén un ECOvaso da SD Compostela. Este produto ten por obxectivo que os afeccionados o poidan utilizar durante os partidos, reducindo a cantidade de residuos que se xeran.
Cabe lembrar que quedan tres partidos para terminar a liga e que o Compos segue situado na quinta praza, posto que clasificaría aos nosos para o playoff de ascenso. Con dous puntos de renda sobre os seus perseguidores e a un do conxunto que o precede na táboa, o duelo ante o Laredo será crucial para as aspiracións dos nosos.
