-
O mediocentro Unai Peón continuará coa súa proxección futbolística, debutando en Segunda Federación
Santiago de Compostela, 11 de xullo de 2026
Da man do Compos, Unai Péon dará un paso máis na súa prometedora carreira. O novo mediocentro de San Sebastián seguirá co seu crecemento futbolístico coa camiseta branquiazul. Tralas súas boas actuacións na segunda volta da pasada campaña, tendo un papel importante para o ascenso, estrearase en Segunda Federación coa SD Compostela.
A continuidade de Unai Peón é un recoñecemento ao seu traballo e bo rendemento. Aos seus 22 anos, asumiu con creces o reto do Compos, disputando máis de 1.000 minutos a gran nivel en media tempada. En total, participou en 21 encontros, 11 deles coma titular, nos que repartiu ademais tres asistencias. Precisamente, a última delas foi crucial para acadar o ascenso, xa que foi o encargado de arrincar a xogada e dar o pase de gol no 3-0 da ida contra o Badalona.
Agora, dará un novo paso na súa carreira, da man do Compos, debutando na Segunda Federación. Un reto que, estamos seguros, asumirá con suficiencia, demostrando o seu constante crecemento e as súas impoñentes calidades futbolísticas, que poñerá ao servizo do equipo.
