[cs_video column_size=”1/1″ video_url=”https://youtu.be/OAhCsbxBKXA” video_width=”500″ video_height=”250″][/cs_video]
Santiago de Compostela, a 19 de Novembro de 2016.
Despois dun cuarto de Liga, unha sensación está clara na SD Compostela. A primeira vitoria fóra de casa parece máis preto que nunca. A pesar de que no último mes o equipo non gañou, tal e como reflicte Yago Iglesias, “se vemos o vaso medio cheo, levamos dous partidos sen perder e sen encaixar gol”.
Despois dun valioso empate ante un rival de entidade, como o Arosa, o Compos visitará a un Villalonga que transita tamén nos postos medios da clasificación. Un conxunto que, a pesar de non ser moi regular na casa, polo seu poderío físico failles ser un rival moi complicado de bater.
“É un bloque moi compacto, un equipo que fai moi boas transicións, con xente moi rápida arriba e defensivamente está moi ben armado”, explica Yago Igrexas.
Estas características pódenlles beneficiar ao conxunto do Salnés ante unha climatoloxía que pinta adversa. “A ver como lle afecta a choiva ao céspede. Esperemos polo menos poder xogar polo chan”, comenta o técnico santiagués.
Contra todas estas posibles adversidades, o Compos buscará a vitoria. Para iso, contará, por primeira vez na tempada, coa súa nova fichaxe, Recoba, ao que lle chegou o transfer esta semana. En palabras de Yago, Recoba “ten que coller ritmo de competición para axustarse aos compañeiros”. O mediocentro, pola súa polivalencia, “dános moitas variantes para facer onces, axudando moito na parcela ofensiva”.
Estas posibilidades xa puideron ser preparadas polo técnico no amigable do mércores contra a selección galega sub18, o cal serviu para preparar con carga de minutos o encontro deste domingo, ademais de probar novas variantes no once. Foi unha proba máis para lograr un dos claros obxectivos a curto prazo, lograr o primeiro triunfo lonxe de San Lázaro.
CONVOCATORIA
Lucas, Manu Cedrón, Saro, Ander, David Rey, Cardeñosa, Cabrejo, Mon, Julián, Make, Tomás, Recoba, Rubén, Martín, Mitogo e David Nogueira.
