Xornada de resultados dispares para as categorías inferiores

29 de Novembro de 2016

Santiago de Compostela, a 29 de Novembro de 2016.

Coas competicións alcanzando o primeiro cuarto da tempada, os bos resultados parecen manterse de forma máis regular dentro das categorías da base compostelá. A pesar de que tres equipos perderon os seus partidos, outros tantos sumaron os tres puntos, e outros dous empataron.

Precisamente, os dous que sumaron un punto foron os conxuntos xuvenís, ambos contra duros rivais que estaban moi ben clasificados nas súas respectivas Ligas.

En primeiro lugar, o xuvenil de Liga Nacional mantivo a súa boa serie de tres partidos sen coñecer a derrota, cun empate ante o Vitoria, segundo clasificado ata a data, no temible campo da Grela.

O marcador inicial non se moveu e o Compos ascende ao undécimo posto, lugar que tentarán conservar este domingo, ás 12:15 nas Cancelas, ante outro duro conxunto, o Deportivo B, segundo clasificado tras esta xornada.

Pola súa banda, o Xuvenil B sumou tamén un importante punto en casa ante o Xuventú Aguiño. De feito, os branquiazuis conseguiron poñerse por diante no marcador no minuto 51 co tanto de Gonzalo Pampín, pero nos instantes finais, os visitantes igualarían o choque.

O próximo rival será o Val do Ulla, oitavo clasificado, o sábado ás 19:00 no campo de O Coto.

Quen non puido sumar algún punto foi o Cadete, que sucumbiu por 3-1 ante o Santiago de Compostela, e iso que se puxeron por diante no marcador no minuto 6 co tanto de Rodrigo Guada. Con todo, os locais remontaron e o triunfo quedou na casa.

Agora tocaralles afrontar outro duro partido ante o Vitoria CF, o domingo ás 11:15, co que tentarán volver á senda do triunfo.

A segunda derrota da fin de semana correu a cargo do Infantil A, que se viu sorprendido polo Dubra SD. Os locais saíron moi enchufados, sorprendendo aos branquiazuis cun 3-0 inicial, que a pesar dos goles posteriores de Adrián Álvarez e Alejandro Parga, permitiulles asegurarse o triunfo.

Este mal resultado tentarán esquecelo pronto cun triunfo ante a SD Villestro, o sábado ás 9:30 no Municipal de Sergas.

Nesta mesma categoría, o equipo B si sumou os tres puntos, grazas á súa vitoria por tres goles a cero ante o Cordeiro Cf. Os tantos de Xaime Paz, Yago Lois e David Porto permiten ao equipo santiagués ascender ata o quinto posto da clasificación, igualando precisamente con este rival.

Do mesmo xeito, eses 17 puntos que suma o Compos tamén os ten o Ulla Pontecesures, rival do conxunto branquiazul este sábado ás 11 no campo Ramón Dieguez.

Nun chanzo inferior en canto a idade, o Alevín A desquitouse das súas últimas dúas derrotas consecutivas cunha ampla goleada ante a SD Cacheiras. En total foron dezanove goles a favor, cun hat trick de Yago Lois; dobretes de David Porto, Mateo Barros, Alejandro Dopazo, Rubén Sande, Héctor Veiga, Iván Vilaseco e Pablo López; e un tanto de Óscar García e Anxo Lorenzo.

Con este resultado colócanse quintos. Para a semana mediranse ao SR Calo, o sábado ás 11:30 en Santa Isabel.

Tamén sumou os tres puntos o equipo B, despois de superar á SD Villestro por dous goles a tres. Os tantos anotados polo Compos foron obra de Etien Pignol, que suma xa sete noutros tantos partidos.

A fin de semana próxima o rival será o Santiago de Compostela, o sábado ás 13:30 no Municipal de Santa Isabel.

E no que respecta aos máis pequenos da base, o Benxamín, perderon por 0-6 ante o líder invicto, o Xuventude Oroso. Este resultado tentarán deixalo atrás o sábado ás 14:30 en Santa Isabel contra a Escola Deportiva Santiago.

Por último citar que unha semana máis, Aitor Fernández foi convocado coa selección galega sub18 para o partido que xogarán ante o Ribadumia, o mércores ás 20:15; mentres que David Porto e Pablo López farán o propio, ese mesmo día, coa selección de Santiago sub12, para o adestramento que terá lugar no Municipal da Barrosa ás 16:15.

En canto ás seleccións femininas, Abril Pazos, coa sub12, e Antía Gómez, coa sub15, están convocadas coas santiaguesas para os adestramentos que se realizarán o xoves ás 16:15 e 16:40, respectivamente, no Municipal da Barrosa.

Youtube

Instagram Compos

Flickr Amadeo Rey

  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1

Instagram Canteira

Twitter Canteira

Facebook

2 days ago

SD Compostela
👏 @samurodriguez14, #JugadorCincoEstrellas da SD Compostela 23.24 🩵🤍🏆 O capitán, cos votos da afección en Twitter, foi elixido como o xogador máis destacado da tempada, logo de ser fundamental na segunda volta🤝 @futbolmahou 🍻 ... See MoreSee Less
Ver en Facebook

3 days ago

SD Compostela
Hoxe temos de aniversario ao noso míster 🩵🤍🎂 Moitos parabéns, Antón!🙌 Que veña un ano cheo de éxitos e que os desfrutemos xuntos! ... See MoreSee Less
Ver en Facebook

3 days ago

SD Compostela
Nova SEDE dos Campus Xacobeos! Prezo subvencionado para os empadroados en O Pino e Touro grazas ao noso patrocinador Proxecto Touro - Cobre San Rafael#CampusXacobeosOs 𝐦𝐞𝐥𝐥𝐨𝐫𝐞𝐬 𝐂𝐚𝐦𝐩𝐮𝐬, os do 𝐂𝐨𝐦𝐩𝐨𝐬 🩵🤍🙌🏻 Nova sede! Desta vez en 𝐓𝐨𝐮𝐫𝐨, do 8-19 de Xullo!🤝 Grazas a @cobresanrafael, os/as nenos/as empadroados en Touro e O Pino pagarán 30€ polas 2 semanas do #CampusXacobeos✍🏻 Inscríbete na ligazón da nosa bio! ... See MoreSee Less
Ver en Facebook

4 days ago

SD Compostela
Hoxe está de aniversario o noso capitán e candidato ao #JugadorCincoEstrellas, Samuel Rodriguez Noya 🩵🤍🎂 Moitos parabéns, Samu! ... See MoreSee Less
Ver en Facebook

All contents © copyright SD Compostela. All rights reserved.