Buscando triunfar noutra superficie

3 de Decembro de 2016

[cs_video column_size=”1/1″ video_url=”https://youtu.be/U3DGNyAqVOg” video_width=”500″ video_height=”250″][/cs_video]

Santiago de Compostela, a 3 de Decembro de 2016.

A Sociedade Deportiva Compostela, tras un mes de novembro no que non puido pasar do empate en ningún dos partidos, buscará romper coa súa xeira este domingo en Santa Mariña contra o CD Choco.

Para iso, o equipo santiagués terá que adaptarse a un terreo de xogo totalmente diferente ao de San Lázaro. O campo de Redondela é de herba artificial, factor que pretenden que non inflúa no desenrolo do partido.

Coñecendo esta circunstancia, o equipo adestrou esta semana dúas veces en Conxo, campo cunhas condicións similares ás do terreo do domingo, como así o explica Yago Iglesias. “As últimas semanas estamos a adestrar en Conxo, que por condicións e dimensións aseméllase ao que nos atoparemos alí, pero non debería afectarnos moito porque está en moi boas condicións”.

Ademais do campo, o Compos terá que superar a un rival que chega cunha moi boa dinámica, xa que conseguiu dúas vitorias consecutivas coas que saíu dos postos de descenso. “Sempre dixen que o Choco non é o que a clasificación di, o ano pasado participou no playoff de ascenso, e a pesar das tres baixas importantes que teñen respecto do curso pasado, o resto do bloque segue. Levan tempo xogando xuntos, saben ao que xogan e na súa casa son moi fortes”, comenta o técnico ribeirense.

A pesar do que a clasificación poida reflectir, Yago sabe que o nivel do rival non é o que a táboa poida marcar. “Atopémonos cun rival de playoff que nos provocará estar ao 200%”.

Un dos factores que máis estaban a afectar ao cadro rojillo para estar en tan mala posición era a falta de acerto, xeraban moitas oportunidades, pero non as materializaban. Con todo, para o partido deste domingo xa poderán contar de inicio coa súa gran referencia en ataque, o dianteiro centro Silva, que xa comezou a xogar uns minutos nos últimos partidos.

“Nesta boa dinámica conseguida inflúe moito a chegada dun xogador fundamental para eles como Silva, xa que é a súa referencia no ataque. Todo parece indicar que estará de inicio contra nós porque a semana pasada xa disputou minutos a moi bo nivel”, asegura o adestrador.

A pesar de todo isto, o Compos pretende superar todas as adversidades que se lle poidan expor, logrando así a primeira vitoria do curso fóra de San Lázaro, nun partido que será especial para Ube, que regresa á convocatoria despois de moito tempo.

A través dun xogo combinativo, cada vez máis perfeccionado, Yago e os seus buscarán sumar os triunfos que se lle resistiron tanto nas últimas semanas como en todos os encontros de visitantes. “Somos conscientes de que os números fóra de casa non son nada de bos e que debemos darlle a volta canto antes. Levamos catro partidos sen pasar do empate e estamos desexosos de sumar de tres en tres”, conclúe.

En Santa Mariña, adaptándose a outra superficie, o triunfo tan desexado poderá chegar.

CONVOCATORIA (Santa Mariña, Domingo 4 – 17h)

Lucas, Manu Cedrón, Saro, Cardeñosa, Taboada, Cabrejo, Mon, Make, Ube, Julián, Tomás, Recoba, Diego Rey, Rubén, Mitogo e David Nogueira.

Youtube

Instagram Compos

Flickr Amadeo Rey

  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2

Instagram Canteira

Twitter Canteira

Facebook

8 hours ago

SD Compostela
🙌 RECORDA a cita que temos mañá en A Grella con 𝐋𝐮𝐢𝐬 𝐁𝐨𝐧𝐢𝐥𝐥𝐚, da Canteira Celeste, e 𝐒𝐭𝐢𝐥𝐲, adestrador do Galicia de Mugardos!!!Será a derradeira sesión da #composescola desta tempada!!!Agardámoste 👉 bit.ly/ComposEscolaAGrella📚 𝐂𝐎𝐌𝐏𝐎𝐒 𝐄𝐒𝐂𝐎𝐋𝐀 📚🙌 PECHE por todo o alto das Xornadas de Formación da #ComposEscola desta Tempada!!!💙 Será o próximo 𝐦𝐚𝐫𝐭𝐞𝐬 30, nas instalacións de A Grella braseria restaurante do camping As Cancelas de Santiago, e cunha sesión especial, na que teremos con nós a 2 grandes adestradores do Fútbol Galego: 𝐋𝐮𝐢𝐬 𝐁𝐨𝐧𝐢𝐥𝐥𝐚 e 𝐒𝐭𝐢𝐥𝐲!!!✍️ Agardámosvos!!! 👉 bit.ly/ComposEscolaAGrella ... See MoreSee Less
Ver en Facebook

13 hours ago

SD Compostela
𝐏𝐀𝐑𝐓𝐄 𝐌É𝐃𝐈𝐂𝐎𝐒𝐚𝐦𝐮 sufriu o sábado, no partido en Tarazona, un accidente articular no xeonllo esquerdo. Nunha primeira valoración, os servizos médicos informan que semella ter unha lesión no ligamento cruzado anterior, agardando que as probas o confirmen!💪 Moito ánimo, Samu!!! Volverás máis forte!!! ... See MoreSee Less
Ver en Facebook

2 days ago

SD Compostela
🎥 𝐑𝐎𝐋𝐃𝐀 𝐃𝐄 𝐏𝐑𝐄𝐍𝐒𝐀 🎥🎙️ Rolda de prensa de Juan Carlos Andrés trala derrota e eliminación no playoff!!!#TarazonaCompos ... See MoreSee Less
Ver en Facebook

2 days ago

SD Compostela
🔚 𝐅𝐈𝐍𝐀𝐋S. D. Tarazona 2️⃣-0️⃣ 𝐒𝐃 𝐂𝐎𝐌𝐏𝐎𝐒𝐓𝐄𝐋𝐀 Da forma máis cruel!#TarazonaCompos ... See MoreSee Less
Ver en Facebook

All contents © copyright SD Compostela. All rights reserved.