David Uña: “O Compos é un club moi profesional e esperamos devolvelo a onde se merece”

19 de Xaneiro de 2017
De esq. a der.: Javier Puñal, David Uña, Manu Castiñeiras, Javier García e Ramón Castro.
De esq. a der.: Javier Puñal, David Uña, Manu Castiñeiras, Javier García e Ramón Castro.

Santiago de Compostela, a 19 de Xaneiro de 2017.

O defensa elixido pola Sociedade Deportiva Compostela, David Uña, xa está aquí e hoxe foi presentado ante os medios na tenda oficial do club, en Reizentolo, acompañado polo director deportivo, Manu Castiñeiras, o vicepresidente, Javier García, o director de márketing, Javier Puñal, e o Relacións Institucionais, Ramón Castro. O xogador, que comeza así a súa primeira etapa en terras galegas, espera achegar o máximo posible a un equipo do que destaca a súa profesionalidade e o bo ambiente.

O central madrileño, que chega libre despois de desvincularse do seu anterior club, o Orihuela, explicou hoxe que “non estaba a contar con todos os minutos que quería, porque cando me rompín o nariz cambiaron de adestrador e despois xa non conseguín entrar, así que cheguei a un acordo coa directiva de que se recibía unha oferta boa, puidese saír”.

Por esta razón, cando o Compos contactou con el “foi todo moi rápido”. E é que David tiña moi boas referencias do club santiagués: “Faláronme moi ben do equipo, que é moi profesional, pese ao lugar onde está”. Ademais, por condicións, e comparado con outros equipos nos que estivo, “isto aquí é case como un equipo de Primeira ou Segunda”.

Por iso, David dará todo de si para conseguir, xunto aos seus novos compañeiros, “devolver o Compos a onde se merece”. No que respecta a el, “traballo diario van ter si ou si”, e despois será o adestrador quen decida.

Aínda que non falou aínda co técnico, David postúlase como central, xa que é onde se atopa máis cómodo, aínda que “podo desenvolverme en ambos os laterais”.

Deste xeito, o novo futbolista branquiazul terá que facerse un oco nun equipo do que destaca “a boa xente que hai”. A pesar de que non coñecía persoalmente a ningún, “recibíronme coma un máis”. Xuntos teñen que loitar “por meterse en playoffs”.

Ademais, para pechar, deixou claro que “a pesar de que asino ata verán, se o club quere e o equipo vai ben, non haberá problema por seguir aquí máis tempo”.

Youtube

Instagram Compos

Flickr Amadeo Rey

  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1

Instagram Canteira

Twitter Canteira

Facebook

9 hours ago

SD Compostela
⌚️ Abril comezará cun derbi para os nosos en terras viguesas ⚽️ X30🆚 CORUXO F.C. 🗓️ 07.04.24⏰ 12.00🏟️ O Vao#CoruxoCompos ... See MoreSee Less
Ver en Facebook

1 day ago

SD Compostela
🎙️ 𝐑𝐝𝐏 | Antón Permuy e Samu🗣️ O adestrador e capitán da SD Compostela analizaron o momento do equipo e o duelo ante o CD Guijuelo do domingo📸 Acompañounos Mónica Pereiro, da Clínica & akt, patrocinadora do encontro#ComposGuijuelo ... See MoreSee Less
Ver en Facebook

2 days ago

SD Compostela
🤝 Roque e Escoruela tiveron a pasada semana un encontro con 220 alumnos do CPI Colexio Nosa Señora do Rosario de Arzúa🩵🤍 Na visita, enmarcada nas actividades de promoción do deporte do noso patrocinador Proxecto Touro - Cobre San Rafael, entregaron invitacións para o duelo contra o CD Guijuelo e tiveron unha entretida charla cos cativos#composguijuelo ... See MoreSee Less
Ver en Facebook

2 days ago

SD Compostela
𝐏𝐀𝐑𝐓𝐄 𝐌É𝐃𝐈𝐂𝐎 👉 Euse foi operado onte da súa rotura do ligamento cruzado anterior do xeonllo dereito💪 Moito ánimo, Euse! Volverás máis forte, estamos seguros! Un día menos para volver! ... See MoreSee Less
Ver en Facebook

3 days ago

SD Compostela
Hoxe está de aniversario Juampa 🩵🤍🎂 Moitos parabéns! Oxalá que veña acompañado este domingo desa vitoria tan necesaria que todos estamos desexando! 🙌 ... See MoreSee Less
Ver en Facebook

All contents © copyright SD Compostela. All rights reserved.