A balanza decantouse para o Bouzas

16 de Abril de 2017
DSC_0038
Momento da primeira metade do encontro entre o Bouzas e o Compos. Foto: Amadeo Rey.

Santiago de Compostela, a 16 de Abril de 2017.

O fútbol volve a non sorrir ao Compos. Nun partido moi igualado de principio a fin, os mozos de Yago Iglesias perderon contra o Bouzas por 1-0, mercé a un tanto nos últimos instantes do encontro.

Tras conseguir adaptarse ben a un partido que os locais levaron ao seu terreo, os branquiazuis acabárono pagando ao final. Un tanto de Youssef nunha contra no 85 certificou o triunfo do Bouzas na súa casa.

Disputábase hoxe no Baltasar Pujales un encontro transcendental para as aspiracións de playoff de Bouzas e Compos. Por iso, ambos os conxuntos saíron ao campo cun gran respecto sobre o rival, buscando xerar perigo, pero ben resgardados atrás.

Deste xeito, vivimos unha primeira metade con moito contacto físico no centro do campo e sen achegamentos polas áreas. De feito, podemos contabilizar dous polo Compos e un polo Bouzas, aínda que sen excesivo perigo.

A primeira chegou no 10, nun libre indirecto que rexeitou a barreira e cuxo rexeite enganchou Ube, pero o seu tiro atrapouno Diego. Chegando á media terían a súa os locais, cun lanzamento de Juanma, nun balón solto, que se lle escapou a un lado. E por último, no 43, sería Nogueira o que pescaría un balón solto coa zurda que atraparía o meta local.

Así se foi ao descanso, pero na segunda o partido xa comezou con outra cara. Ambos os conxuntos desmelenáronse e empezaron a xerar máis xogo, sobre todo os nosos, que en quince minutos dominaron a contenda por completo. A base de que Recoba se asociase moi ben por dentro cos tres mediocentros, o Compos facía moito perigo.

Nestes instantes, por dúas veces, Nogueira non acertaba co marco local, en balóns repescados tras despexes dos defensas. Pero a máis clara teríaa Make nas súas botas. Balón ás costas da defensa, que picaba o lucense, quedándose só ante Diego pero, con todo a favor, mandábaa rozando o pau dereito.

Salvábase o Bouzas e respondía cunha contra na que Carneiro gañaba o balón, deixábaa para Pardavila e este, coa esquerda, lanzaba un chute que despexaba a córner Lucas.

Tras esta dobre ocasión, volveríase a trabar o encontro, favorecido tamén polos cambios en ambos os lados.

E cando parecía que o resultado acabaría en táboas, o mazazo. O Bouzas arrincaba unha contra pola esquerda, Coti cedíaa para Parda, este buscaba o tiro coa dereita, pero ao non ter oco, cedíaa para Youssef e o extremo, cun gran dereitazo que pasaba por baixo dos pés de Cabrejo, anotaba o tanto local que certificaba o seu triunfo.

Os tres puntos escapábanse por segunda xornada consecutiva e o Compos resignábase ante a mala sorte que o persegue estes últimos días. Para máis, todos os rivais directos gañaron e o playoff afástase a cinco puntos. Toca levantar cabeza e a pensar no Choco para, se os adversarios fallan, poder coller un último tren ao playoff.

FICHA TÉCNICA

1- Rápido de Bouzas: Diego; Jesús Varela, Adrián, Xisco, Coti; Juanma Torres, Yago Pérez; Diego Diz (Parda, m.46), Carlos Pereira (Tomás, m.56), Youssef; e Carneiro (Rulo, m.70).

0- SD Compostela: Lucas; Uña (Samu, m.75), David Rey, Cardeñosa, Cabrejo; Mon, Ube (Santi Gegunde, m.69); Diego Rey, Make, Recoba (Martín, m.81); e David Nogueira.

Goles: 1-0: Youssef, min.85.

Árbitro: Gómez Lameiro, colexio pontevedrés. Amoestou a Youssef e Juanma Torres, polos locais; e a Nogueira, Cabrejo e Mon, polos visitantes.

Incidencias: Partido da trixésimo cuarta xornada de liga de Terceira División que se disputou no Baltasar Pujales ante 250 espectadores.

Youtube

Instagram Compos

Flickr Amadeo Rey

  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1

Instagram Canteira

Twitter Canteira

Facebook

3 days ago

SD Compostela
👏 @samurodriguez14, #JugadorCincoEstrellas da SD Compostela 23.24 🩵🤍🏆 O capitán, cos votos da afección en Twitter, foi elixido como o xogador máis destacado da tempada, logo de ser fundamental na segunda volta🤝 @futbolmahou 🍻 ... See MoreSee Less
Ver en Facebook

4 days ago

SD Compostela
Hoxe temos de aniversario ao noso míster 🩵🤍🎂 Moitos parabéns, Antón!🙌 Que veña un ano cheo de éxitos e que os desfrutemos xuntos! ... See MoreSee Less
Ver en Facebook

4 days ago

SD Compostela
Nova SEDE dos Campus Xacobeos! Prezo subvencionado para os empadroados en O Pino e Touro grazas ao noso patrocinador Proxecto Touro - Cobre San Rafael#CampusXacobeosOs 𝐦𝐞𝐥𝐥𝐨𝐫𝐞𝐬 𝐂𝐚𝐦𝐩𝐮𝐬, os do 𝐂𝐨𝐦𝐩𝐨𝐬 🩵🤍🙌🏻 Nova sede! Desta vez en 𝐓𝐨𝐮𝐫𝐨, do 8-19 de Xullo!🤝 Grazas a @cobresanrafael, os/as nenos/as empadroados en Touro e O Pino pagarán 30€ polas 2 semanas do #CampusXacobeos✍🏻 Inscríbete na ligazón da nosa bio! ... See MoreSee Less
Ver en Facebook

5 days ago

SD Compostela
Hoxe está de aniversario o noso capitán e candidato ao #JugadorCincoEstrellas, Samuel Rodriguez Noya 🩵🤍🎂 Moitos parabéns, Samu! ... See MoreSee Less
Ver en Facebook

All contents © copyright SD Compostela. All rights reserved.