-
O equipo santiagués será o filial do Compos a partir da próxima campaña.
Santiago de Compostela, ao 23 de xuño de 2017.
A Sociedade Deportiva Compostela e o Zona Vella Club de Fútbol asinaron esta tarde nas oficinas de San Lázaro un acordo federativo polo cal, durante o próximo curso, converterase no filial do equipo branquiazul.
O acordo vincula a ambas as partes para a tempada 2017/18, co obxectivo de que sexa un conxunto que sirva de trampolín para os xuvenís do Compos que rematan a súa etapa na base, tendo unha saída próxima no seu primeiro ano sénior. A meta tamén é que ascenda a Primeira Rexional, para que o nivel competitivo sexa maior, e que se forme unha asociación con gran futuro dentro da cidade de Santiago.
O Zona Vella CF é un conxunto que milita no Grupo 5 da Segunda Rexional Galega, na que quedou décimo a última campaña. Ademais, o equipo santiagués ha logrado dúas Copas de Santiago consecutivas, nos dous últimos anos. A primeira, tras gañar nos penaltis ao Bodegón Arzúa, e a última, tras vencer 3-1 ao Club Atlético Fátima.
FOTO
De esquerda a dereita: Roberto Celi, S.X Zona Vella, J. Luis Raviña, presidente do Zona Vella, Javier García, vicepresidente do Compos, e Juan Carlos Rodríguez, secretario xeral da SD Compostela.
