Vitoria de mérito en Barbadás

23 de Setembro de 2017
Cabezazo de Uña na xogada do gol. Foto: Amadeo Rey.
Cabezazo de Uña na xogada do gol. Foto: Amadeo Rey.
  • O tanto de Uña de cabeza tras unha falta lateral foi suficiente para lograr os tres puntos.
  • Vitoria importantísima do Compos no difícil campo dos Carrís por segundo ano consecutivo.

Santiago de Compostela, a 23 de setembro de 2017.

Regresa a felicidade a terras compostelás. Tras dúas derrotas consecutivas, a SD Compostela recuperou a senda do triunfo no difícil campo dos Carrís nun partido moi serio por parte dos xogadores de Yago Iglesias. Un tanto de Uña, na segunda metade, permitiu aos branquiazuis volver sumar de tres, mentres que o Barbadás perdeu a súa imbatibilidade na súa casa.

O cabezazo de Uña tras unha falta lateral permite unha vitoria balsámica a un Compos que este ano xa suma seis puntos como visitante e doce en total, para igualar no alto da táboa ao Bergantiños e Silva, iso si, cun partido máis.

Os nosos saíron ao campo dos Carrís sabendo que tiñan ante si un gran reto, recuperar as boas sensacións do inicio ligueiro e non perder corda na táboa. Para iso, a tarefa era complicada, xa que se enfrontaban a un conxunto moi sólido no seu terreo de xogo. Con todo, coa confianza que lles deu a vitoria o pasado curso neste mesmo campo, o partido afrontouse con maior calma.

Así, na primeira metade, vimos un xogo moito máis controlado por ambas as partes. Ambos os equipos non querían deixar espazos atras por arriscar arriba e, deste xeito, víronse uns 45 primeiros minutos de escasas ocasións.

Polos locais podemos contabilizar un remate de Calzado no primeiro pau, á saída dunha falta lateral, que se foi por pouco, e unha contra rematada arriba por Caique, tras unha gran asistencia de Cabanyes. Mentres, o Compos tivo o primeiro nun man a man de Rubén, pero o extremo non foi capaz de superar a Rui.

Á volta dos vestiarios, a SD Compostela, convencida de que podían dominar aínda máis o encontro, deu un paso seguro cara a adiante que ao cabo sería decisivo. No primeiro cuarto de hora desta metade, os visitantes puideron adiantarse en varias ocasións.

Róber mandaba un balón ao traveseiro despois dunha gran xogada persoal; Casas atopaba ao porteiro local nun tiro desde dentro da área; e Samu enviaba o esférico rozando o traveseiro tras un zambombazo desde 30 metros.

Perdoaron tres, pero aproveitaron a cuarta. Precisamente Samu, que repetiu unha gran actuación no centro do campo, colgaba o balón desde un lateral para que Uña, soberbio por arriba, rematase de cabeza cara ao segundo pau, entrando o balón por toda a escadra. Unha xogada a balón parado sacada e rematada á perfección para adiantar aos nosos.

Co tanto, os branquiazuis volveron a replegarse, defendendo con eficiencia a portería de Lorenzo. Un equipo sólido que non viu perigar a súa meta e que aínda puido aumentar a renda nos últimos instantes, pero Santi Gegunde non foi capaz de superar a Rui no man a man.

Aínda así, non foi necesario aproveitar esta ocasión, xa que os tres puntos viaxaron para Santiago. Unha vitoria crucial para recuperar as boas sensacións, demostrar que o equipo fóra de casa mantén o gran nivel mostrado en San Lázaro e manterse no alto da táboa. Con vitorias como esta, o soño do equipo é posible. Toca xa pensar, desde o alto, na próximo fin de semana contra o Bergantiños.

FICHA TÉCNICA

0- UD Barbadás: Rui; Iago (Torres, m.73), Quintairos, Calzado, Toni; Juanito, Titi Sanz; Helder (Rivero, m.67), Caique, Ilyes; y Cabanyes (Marcos, m.73).

1- SD Compostela: Lorenzo; Saro, Cardeñosa, Uña, Mon; Casas, Samu; Rober (Sergio Pereira, m.88), Alex Ares (Alberto, m.82), Rubén (Sobrido, m.72); y Santi Gegunde.

Goles: 0-1: Uña; min.65.

Árbitro: López Parga, comité lucense. Amoestou a Juanito e Toni, polos locais, e a Uña e Mon, polos visitantes.

Incidencias: Partido da sexta xornada de Terceira División disputado no campo dos Carrís ante 400 espectadores. Boa presenza de afeccionados santiagueses.

Youtube

Instagram Compos

Flickr Amadeo Rey

  • CORUXO- 0 COMPOSTELA- 0
  • CORUXO- 0 COMPOSTELA- 0
  • CORUXO- 0 COMPOSTELA- 0
  • CORUXO- 0 COMPOSTELA- 0
  • CORUXO- 0 COMPOSTELA- 0
  • CORUXO- 0 COMPOSTELA- 0

Instagram Canteira

Twitter Canteira

Facebook

4 hours ago

SD Compostela
𝐂𝐎𝐍𝐕𝐎𝐂𝐀𝐓𝐎𝐑𝐈𝐀 🩵🤍🙌 OS NOSOS para mañá!👉 Son baixa Juampa, Parapar e Pablo Antas por sanción e Álvaro Casas por lesión 🚑⚽️ Citados Brais, Mario Hermo, Xoel e Landeira, da Canteira Picheleira 💪 16.30 🆚️ Pontevedra Club de Fútbol SAD (🏟 Vero Boquete)#compospontevedra ... See MoreSee Less
Ver en Facebook

1 day ago

SD Compostela
🎙️ 𝐑𝐝𝐏 | Kike🗣️ Na PREVIA tamén falou central, quen está a realizar grandes encontros no centro da zaga branquiazul⚽️ O canteirán compostelanista analizou o seu momento e a confianza que ten o Compos para encarar o derbi#compospontevedra ... See MoreSee Less
Ver en Facebook

1 day ago

SD Compostela
🎙️ 𝐑𝐝𝐏 | Antón Permuy🗣️ PREVIA antes do derbi deste domingo, ás 16.30 no Vero Boquete, contra o Pontevedra Club de Fútbol SAD🩵🤍 Hoxe acompañounos Pablo Iglesias, xestor comercial de Fútbol Mahou, patrocinador deste partidazo#compospontevedra ... See MoreSee Less
Ver en Facebook

2 days ago

SD Compostela
Un derbi, o líder, bo tempo, o patrocinio de Fútbol Mahou... este domingo é o día para dalo todo e, xuntos, acadar unha gran vitoria 💪Un partido especial que analizamos, acompañados dunhas Mahou, con dous dos nosos protagonistas sobre o 🏟, Hugo Matos e David Soto👉 O domingo será unha gran tarde de ⚽️ e non podes perdela. Acompáñanos no Vero Boquete e axúdanos a lograr os tres puntos 🩵🤍 #compospontevedra ... See MoreSee Less
Ver en Facebook

3 days ago

SD Compostela
🍻 Porque o fútbol é máis fútbol cando nos atopamos, con Fútbol Mahou xuntamos a dous dos nosos nun lugar especial de Santiago, o Marie MinerDous virtuosos do ⚽️ que tamén teñen un bo toque para ser artistas 🎹 😜🗣Con eles, analizamos o derbi do domingo, unha conversa, acompañados dunhas Mahou, que publicaremos mañá#compospontevedra ... See MoreSee Less
Ver en Facebook

All contents © copyright SD Compostela. All rights reserved.