O CD Barco gaña en San Lázaro por segundo ano consecutivo

15 de Outubro de 2017
Santi Gegunde conduce o balón no partido, patrocinado por Laucreaciones. Foto: Amadeo Rey.
Santi Gegunde conduce o balón no partido, patrocinado por Laucreaciones. Foto: Amadeo Rey.

 

  • Un gol de Cristóbal Juncal no desconto da primeira metade decidiu o choque.

Santiago de Compostela, ao 15 de outubro de 2017.

A SD Compostela non puido manter a súa gran xeira de resultados. O CD Barco, que chegaba a San Lázaro na cuarta posición, levou os tres puntos cun solitario tanto no desconto da primeira metade.

A gran solidez defensiva dos visitantes, así como a sorte que tiveron nos momentos decisivos, permitiulles para levar unha gran vitoria no fortín branquiazul. O central do equipo, Cristóbal Juncal, foi o autor do tanto visitante.

Buscando a quinta vitoria consecutiva, Yago Iglesias repetiu o once da semana pasada en San Lázaro, co cambio de Primo por Santi na punta do ataque. Con esta disposición, os santiagueses saíron fortes e así dispuxeron da primeira ocasión, un centro de Saro que se paseou pola área pequena, tras non conseguir rematar Róber.

Pese a que o Barco inquietou nun centro que despexou a defensa tras a deixada de cabeza de Mitogo, sería Álex Ares, á media hora, o que volvería rozar o tanto. O seu lanzamento de lonxe saíu rozando o pau.

Aínda así, as dúas máis claras chegaron nos últimos instantes do primeiro período. Primeiro, tras unha contra rápida, Róber, entrando desde atrás, mandaba o balón ao traveseiro coa zurda e, un minuto máis tarde, Mon, só dentro da área, enviaba o esférico por encima do traveseiro cando tiña todo a favor.

Parecía que así nos iriamos ao descanso, pero nunha falta moi discutida pola afección, na que o colexiado pitou retención de balón de Mon, o Barco anotaba o seu gol. Centrou Rubén García cara ao segundo pau e Cristóbal Juncal, entrando desde atrás, cabeceaba ao fondo das mallas. Foi a última xogada da primeira metade, coa que ambos os conxuntos se foron aos vestiarios.

Á volta dos mesmos, o Compos tentouno e tivo o gol nas botas de Saro, pero o seu lanzamento co exterior, ao segundo pau, foi sacado por Imanol a córner. A esta ocasión, respondeu o Barco cun lanzamento de falta de Rubén García que sacou Lorenzo da escuadra.

Cos trocos, o Barco deu un paso atrás e pechou filas. Taparon moitos ocos e ao Compos custoulle máis xerar ocasións, mentres o rival buscaba a velocidade dos seus dianteiros. Así, a ocasión máis clara dos nosos teríaa Primo no 85. Unha contra levada por Santi e Sobrido acababa nos pés do dianteiro centro, quen un pouco forzado enviaba o esférico ao lateral da rede.

Seguiuno tentando o Compos, pero o resultado xa non se movería. O equipo morreu loitando ata o último minuto, mostrando unha gran imaxe ante unha afección que apoiou durante todo o encontro. Esta é a imaxe a seguir para loitar polo noso soño. Toca xa pensar na visita á Illa de Arousa.

FICHA TÉCNICA:

SD Compostela: Lorenzo; Saro, Cardeñosa (Ube, m.45), David Uña, Mon; Álvaro Casas, Samu; Róber (Sobrido, m.71), Álex Ares, Rubén (Santi, m.62); e Primo.

CD Barco: Imanol; Sito, Cristobal Juncal, Omar, Isi; Cassio, Rubén García; Ivi Vales, David Álvarez (Tato, m.62), Mitogo (Iván Argos, m.80); e Ñiles (Raly, m.32).

Goles: 0-1: Cristóbal Juncal, min.44.

Árbitro: Cives Enjo, colexio coruñés. Amoestou a David Uña, polos locais, e a Raly, Cristóbal Juncal, Sito e Isi, polos visitantes.

Incidencias: Partido da décima xornada de Liga de Terceira División disputado no Estadio de San Lázaro ante 750 espectadores.

Youtube

Instagram Compos

Flickr Amadeo Rey

  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1

Instagram Canteira

Twitter Canteira

Facebook

12 hours ago

SD Compostela
⌚️ Abril comezará cun derbi para os nosos en terras viguesas ⚽️ X30🆚 CORUXO F.C. 🗓️ 07.04.24⏰ 12.00🏟️ O Vao#CoruxoCompos ... See MoreSee Less
Ver en Facebook

1 day ago

SD Compostela
🎙️ 𝐑𝐝𝐏 | Antón Permuy e Samu🗣️ O adestrador e capitán da SD Compostela analizaron o momento do equipo e o duelo ante o CD Guijuelo do domingo📸 Acompañounos Mónica Pereiro, da Clínica & akt, patrocinadora do encontro#ComposGuijuelo ... See MoreSee Less
Ver en Facebook

2 days ago

SD Compostela
🤝 Roque e Escoruela tiveron a pasada semana un encontro con 220 alumnos do CPI Colexio Nosa Señora do Rosario de Arzúa🩵🤍 Na visita, enmarcada nas actividades de promoción do deporte do noso patrocinador Proxecto Touro - Cobre San Rafael, entregaron invitacións para o duelo contra o CD Guijuelo e tiveron unha entretida charla cos cativos#composguijuelo ... See MoreSee Less
Ver en Facebook

3 days ago

SD Compostela
𝐏𝐀𝐑𝐓𝐄 𝐌É𝐃𝐈𝐂𝐎 👉 Euse foi operado onte da súa rotura do ligamento cruzado anterior do xeonllo dereito💪 Moito ánimo, Euse! Volverás máis forte, estamos seguros! Un día menos para volver! ... See MoreSee Less
Ver en Facebook

3 days ago

SD Compostela
Hoxe está de aniversario Juampa 🩵🤍🎂 Moitos parabéns! Oxalá que veña acompañado este domingo desa vitoria tan necesaria que todos estamos desexando! 🙌 ... See MoreSee Less
Ver en Facebook

All contents © copyright SD Compostela. All rights reserved.