Catro vitorias e tres empates nunha xornada positiva

22 de Xaneiro de 2018
Momento do partido entre o Alevín A e o Atlético Fátima.
Momento do partido entre o Alevín A e o Atlético Fátima.
  • O Alevín A lidera o seu playoff tras sumar o seu segundo triunfo noutras tantas xornadas.

Santiago de Compostela, ao 22 de xaneiro de 2018.

O balance da fin de semana nas categorías inferiores da SD Compostela foi bastante positivo. Catro dos seus equipos lograron a vitoria, con especial mención ao Alevín A que lidera o seu playoff de descenso, outros tres empataron os seus encontros, mentres que dous foron derrotados nos seus duelos.

En primeiro lugar, o filial logrou romper a súa mala sorte das últimas semanas e conseguiu superar ao La Salle por 3-1. O Zona Vella foi moi superior durante todo o encontro e Jorge Pazos, Javier Losada e Jorge Lorenzo foron os encargados de perpetralo no marcador final.

En categoría xuvenil, o Nacional volveu sumar tras a derrota da xornada anterior. Os branquiazuis dirixidos por Marcos Donnici empataron a un tanto na dura visita ao campo do Arosa SC. Marcos Mella adiantou aos santiagueses no primeiro acto, pero os locais empataron na segunda desde o punto de penalti. Este punto serve ao equipo para manter a oitava praza.

Pola súa banda, o xuvenil B ascendeu tamén ao oitavo posto despois de sumar o seu segundo triunfo consecutivo de local. Esta vez gañaron ante o EF Lalín por 3-0, grazas aos tantos de Schadrac Lonji, no primeiro acto, e o dobrete de Brais Loureiro, no segundo.

En cadetes, o Compos empatou a un gol no complicado duelo de visitantes contra o Bertamiráns. Os aurinegros adiantáronse no marcador, pero un tanto de Mario Galo no minuto 79 serviu para que os nosos levasen un punto.

En canto aos infantís, o A empatou a un tanto contra o Santiago, rival que o precede na táboa e do que segue separado por tan só tres puntos. Mentres, o B superou ao Bertamiráns por 2-4, remontando o dous a cero inicial, e segue en terceira posición, aínda que a tan só dous puntos do líder e con seis de vantaxe sobre o rival deste sábado.

Descendendo aos alevíns, o A gañou e suma seis de seis no playoff de descenso. Os branquiazuis superaron ao Atlético Fátima, rival que tamén gañara o primeiro duelo, por un claro 5-0. Polo seu lado, o B perdeu contra o Santiago, nun partido no que notaron a escaseza de efectivos.

Por último, o Benxamín tamén caeu no seu duelo no playoff contra o CD Conxo por 9-4 e segue con cero puntos.

Youtube

Instagram Compos

Flickr Amadeo Rey

  • COMPOSTELA- 0 ZAMORA- 1
  • COMPOSTELA- 0 ZAMORA- 1
  • COMPOSTELA- 0 ZAMORA- 1
  • COMPOSTELA- 0 ZAMORA- 1
  • COMPOSTELA- 0 ZAMORA- 1
  • COMPOSTELA- 0 ZAMORA- 1

Instagram Canteira

Twitter Canteira

Facebook

2 hours ago

SD Compostela
⚔️ 𝐏𝐋𝐀𝐍 𝐒𝐄𝐌𝐀𝐍𝐀𝐋 ⚔️💪 Traballo, traballo e máis traballo para levantarnos deste mal momento!⚽️ Catro sesións por diante para preparar o encontro do sábado en Abegondo contra o Real Club Deportivo de La Coruña Fabril! #fabrilcompos ... See MoreSee Less
Ver en Facebook

15 hours ago

SD Compostela
🎙️ 𝐑𝐎𝐋𝐃𝐀 𝐃𝐄 𝐏𝐑𝐄𝐍𝐒𝐀 | Manel Menéndez#composourense ... See MoreSee Less
Ver en Facebook

15 hours ago

SD Compostela
🔚 FINALCOMPOS 💙🤍0⃣-1⃣Ourense CF #composourense ... See MoreSee Less
Ver en Facebook

17 hours ago

SD Compostela
𝐃𝐄𝐒𝐂𝐀𝐍𝐒𝐎 ⏸COMPOS 💙🤍0️⃣-1️⃣Ourense CF#composourense ... See MoreSee Less
Ver en Facebook

All contents © copyright SD Compostela. All rights reserved.