-
Os equipos alevíns descansarán esta xornada.
Santiago de Compostela, a 24 de Xaneiro de 2018.
As categorías inferiores da SD Compostela volven á acción esta fin de semana cunha xornada na que descansarán os dous equipos alevíns. En catro dos seis encontros que terán lugar durante a xornada do sábado e a mañá do domingo os conxuntos branquiazuis xogarán como conxunto local.
Buscando facer bo o empate cultivado en Vilagarcía, o Xuvenil Nacional quere sumar de tres no duelo que o medirá contra o CD Choco o sábado ás 16.00 horas no Municipal de As Cancelas. O encontro da primeira volta xa foi moi igualado, terminando con vitoria local por 3-2, polo que os santiagueses esperan vingarse agora.
Pola súa banda, o Xuvenil B desexa cambiar a dinámica de visitante e para iso medirase á SD Villestro, o sábado ás 16.00 horas no Municipal da Barrosa. O Compos quere neste partido ampliar a vantaxe de dez puntos que ten sobre o seu rival.
En categoría cadete, o equipo branquiazul enfrontarase ao EF Lalín o domingo ás 12.00 horas no Municipal de As Cancelas. Os nosos queren regresar á senda do triunfo tras o empate da xornada pasada.
Baixando a infantís, o A xogará o sábado ás 12.15 horas contra o EFM Boiro, segundo clasificado da liga, no campo de Valiño, en Cabo da Cruz. Mentres, o B saltará ao campo de As Cancelas o domingo ás 10.15 horas contra o EF Lalín.
Por último, o Benxamín quere sumar os seus primeiros puntos no playoff de descenso e con este obxectivo xogará contra o La Salle, o sábado ás 16.30 horas no Municipal de Santa Isabel.
