Nova fin de semana cargado de partidos no que regresa á competición os alevíns, pero por contra descansará o Infantil B.
O xuvenil de Liga Nacional tras dous empates consecutivos quere sumar de tres e para iso viaxará a Lugo para medirse ao CD Lugo B, nun encontro que se disputará o sábado ás 16.00 horas no campo da Fonte.
Pola súa banda, o equipo de Primeira Autonómica terá un duro envite contra o Atlético Riveira, primeiro clasificado da liga. Ambos os conxuntos enfrontaranse o sábado ás 16.00 horas no Municipal de As Cancelas.
O Cadete busca recuperar o bo camiño tras varios contratempos e o primeiro obxectivo marcado é superar este domingo ás 12.30 horas no Anexo Fieiteira ao Sálvora Cf.
En infantís, o A tamén se enfrontará ao Atlético Riveira, aínda que o seu caso de visitantes. O duelo arrincará o sábado ás 10.00 horas no Anexo Fieiteira. Mentres, o equipo B descansará esta xornada.
Volverá á competición os conxuntos alevíns. O A quere manter a súa boa clasificación no playoff e tentará superar ao Amio SD o sábado ás 12.00 horas no Municipal de As Cancelas. Tamén tenta aguantar nos postos de cabeza o B que se medirá ao Villestro SD o mesmo día e á mesma hora pero no Municipal de Santa Isabel.
Por último, o Benxamín quere sumar os seus primeiros puntos do playoff en Vedra. Enfrontaranse ao ED Val do Ulla no campo de O Coto, o sábado ás 11.00 horas.
