Sobrido: “Temos ganas de dalo todo o domingo e lograr polo que levamos traballando todo o ano”

20 de Xuño de 2018
  • O extremo espera que a afección sexa o xogador número 12 como o día do Terrassa

Santiago de Compostela, a 20 de Xuño de 2018.

Pasan os días e cada vez está máis preto a final do Playoff de Ascenso á Segunda B contra o CF Salmantino UDS. O equipo realizou esta tarde o segundo adestramento da semana e vese con ganas para afrontar o decisivo encontro do domingo.

Do mesmo xeito que os seus compañeiros, José Sobrido está moi motivado no seu primeiro playoff por lograr ese ansiado ascenso. Despois de contar cos seus primeiros minutos na ida desta última eliminatoria, buscará repetir experiencia en San Lázaro. “Estamos moi activos de cara ao domingo, con ganas de dalo todo e conseguir polo que levamos traballando todo o ano”, asegurou en rolda de prensa.

O equipo xa viu hoxe vídeos do rival, sobre os erros e acertos do último encontro, unha tarefa coa que seguirán mañá. “Antes de adestrar vimos uns vídeos, os fallos que tivemos, e mañá tocará ver o que fixemos ben ou mal en ataque”, confesou.

Con todo, o plantel ten claro que o Salmantino é un equipo que pasou as eliminatorias nos últimos minutos, “un conxunto que está centrado ata o final e a tope, polo que hai que ter coidado”, advertiu o extremo ribeirense. Por iso, do mesmo xeito que Casas, Sobrido sinalou a importancia de ter a cabeza fría. “Haberá moita xente, pero debemos centrarnos no importante, sen estar demasiado excitados para que saian ben as cousas”. Neste aspecto, coidar os detalles será imprescindible, xa que en calquera fallo pode chegar un gol do rival.

Por eses pequenos momentos pasará o futuro dun ou doutro, polo que o equipo tentará “manexar ao rival coa pelota, porque a ida e volta pódenos complicar, xa que son moi físicos e nas disputas son máis fortes e, por exemplo, de aí vén o seu gol o outro día”, analizou Sobrido.

A pesar da relevancia do encontro, o equipo está, di o extremo, “moi concienciado de que imos gañar, cos nervios, porque é o normal, pero tendo claro que xogando ao noso fútbol lograremos a vitoria”.

Ademais, o ribeirense convida á xente a que asista a San Lázaro, xa que a súa axuda será vital para lograr o obxectivo. “O día do Terrassa xa foi incrible e agora pode vir mesmo máis xente e iso encántanos, porque entras ao campo con máis motivación. Esa boa actitude da xente transmítese a ti e dános ese plus necesario”, argumentou Sobrido que engadiu: “Canta máis xente veña mellor. Serán, sen dúbida, o xogador número 12. É impresionante ver así o campo nun ascenso á Segunda B”.

Por último, no aspecto persoal, Sobrido, que está no seu primeiro ano sénior, valora a experiencia en Santiago como “un anazo, logrando con este club a liga e gozando do playoff, algo moi grande que me serve de máster para aprender para a miña carreira.

Youtube

Instagram Compos

Flickr Amadeo Rey

  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1

Instagram Canteira

Twitter Canteira

Facebook

6 hours ago

SD Compostela
🙌 𝐅𝐈𝐂𝐇𝐀𝐗𝐄 🩵🤍💪 Santi de Prado está de volta! A SD Compostela 24.25 refórzase cun correcamiños para a banda⚽️ Regresa ao Compos para seguir co seu crecemento tras unha sensacional campaña na UD Ourense 𝐒𝐚𝐧𝐭𝐢 𝐝𝐞 𝐏𝐫𝐚𝐝𝐨 🩵🤍✍️ sdcompostela.com/2024/06/20/santi-de-prado-fichaje-sd-compostela/#benvidosantideprado ... See MoreSee Less
Ver en Facebook

1 day ago

SD Compostela
🙌 𝐑𝐄𝐍𝐎𝐕𝐀𝐂𝐈𝐎́𝐍 🩵🤍💪 Gonzalo Landeira ascende ao primeiro plantel do Compos para a Tempada 24.25⚽️ O mediocentro da Canteira Picheleira amplía tamén o seu contrato ata 2025𝐋𝐚𝐧𝐝𝐞𝐢𝐫𝐚 🩵🤍✍️ sdcompostela.com/2024/06/19/landeira-canteira-picheleira-compos/#gonzalolandeira2025 ... See MoreSee Less
Ver en Facebook

2 days ago

SD Compostela
🙌 𝐅𝐈𝐂𝐇𝐀𝐗𝐄 🩵🤍💪 Rabanillo, un seguro baixo paus para a portería da SD Compostela ⚽️ O experimentado porteiro, que ven de realizar un gran ano no Club Deportivo Guijuelo, firma por unha tempada𝐑𝐚𝐛𝐚𝐧𝐢𝐥𝐥𝐨 🩵🤍✍️ sdcompostela.com/2024/06/18/rabanillo-fichaje-portero-compos-2425/#benvidorabanillo ... See MoreSee Less
Ver en Facebook

3 days ago

SD Compostela
🙌 𝐅𝐈𝐂𝐇𝐀𝐗𝐄 🩵🤍💪 Manu Rivas regresa ao Compos para a Tempada 24.25⚽️ O canteirán branquiazul seguirá coa súa gran proxección no Compos tras destacar no Atlético Arteixo𝐌𝐚𝐧𝐮 𝐑𝐢𝐯𝐚𝐬 🩵🤍✍️ sdcompostela.com/2024/06/17/manu-rivas-canterano-vuelve-compos/#benvidomanurivas ... See MoreSee Less
Ver en Facebook

5 days ago

SD Compostela
🙌 DOUS DOS NOSOS 🩵🤍💪 Álvaro Casas e Pablo Antas seguirán na Tempada 24.25⚽️ Será a 8ª e 6ª campaña, respectivamente, dos dous capitáns do Compos ✍️ sdcompostela.com/2024/06/15/alvaro-casas-pablo-antas-compos-2025/#álvarocasas2025 #pabloantas2025 ... See MoreSee Less
Ver en Facebook

All contents © copyright SD Compostela. All rights reserved.