Información para o domingo sobre entradas, portas de acceso e seguridade

22 de Xuño de 2018

Santiago de Compostela, a 22 de Xuño de 2018.

O domingo, día de partido, tanto as oficinas do club como as billeteiras (Número 1 e 4) abrirán ás 17.30 horas, unha hora e media antes do asubío inicial. As oficinas tamén estarán abertas mañá sábado, de 11.00 a 13.00 horas.

Os abonados que desexen retirar a súa entrada o día de partido terán que facelo nas oficinas do club, xa que as billeteiras 1 e 4 estarán só dispoñibles para NON abonados. Con esta medida búscase evitar a aglomeración de xente nun único punto do campo, razón pola cal tamén recomendamos acudir a San Lázaro con tempo de adianto, máis nunha final que aglomerará a tanta xente no noso fortín.

Para os afeccionados que teñen a súa entrada para a bancada de Tribuna, abriremos as portas 2 e 16. A primeira delas está á beira da billeteira 1 e a segunda á beira da billeteira 4 e das oficinas, polo que facilitamos, deste xeito, o acceso, tanto duns como doutros.

Para as persoas que vaian á bancada de Preferencia, a súa porta de acceso será a 9 ou a 10.

Mentres, para os afeccionados que asistan á bancada de Fondo de Sur, a porta de acceso será a 13.

Para NON abonados, xa non quedan entradas para Tribuna e estase completando o aforamento da bancada de Preferencia. As entradas para Fondo Sur non se venderán ata encher Preferencia e o prezo será o mesmo que para as outras zonas do campo.

Para os afeccionados visitantes, estarán situado no Fondo Norte e a súa porta de acceso será a 6. Os autobuses que cheguen desde Salamanca estarán albergados na baixada de Casas Novoa, nunha zona acordoada polas autoridades policiais.

Por último, a porta de acceso para o palco de honra e para os medios de comunicación será, como habitualmente, a porta 1.

Por este mesmo acceso, ás 17.15 horas, realizarase o recibimento ao equipo, no que esperamos contar coa maior cantidade de seguidores branquiazuis, posible. Esta chegada estará acompañada por dúas charangas, a  BB+ e Os  Druídas.

Seguridade

Dentro do dispositivo de seguridade montado para este partido, en cada unha das portas de acceso haberá policía, controladores de acceso e vixiantes, polo que se realizarán cacheos no control de seguridade de acceso á bancada.

Queda totalmente prohibida: a introdución de calquera obxecto superior a 500 gramos que poida ser arroxado ao campo, introducir petardos, bengalas ou explosivos, introducir calquera tipo de bebida alcohólica, introducir ou portar calquera tipo de arma, introducir ou exhibir calquera tipo de pancarta que inciten á violencia, participar en altercados ou pelexas, irromper no terreo de xogo ou realizar cánticos, expresións, sons ou actitudes que inciten á violencia ou ao terrorismo.

Se sucede algunha destas circunstancias, a federación multaría ao club e ao afeccionado implicado e a policía expulsaríao inmediatamente do campo.

Youtube

Instagram Compos

Flickr Amadeo Rey

  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1

Instagram Canteira

Twitter Canteira

Facebook

4 days ago

SD Compostela
🙌 UN DOS NOSOS 🩵🤍💪 Samu Rodríguez renova ata 2026👉 O capitán e #JugadorCincoEstrellas desta tempada chegará ás 10 tempadas como branquiazul Samuel Rodriguez Noya 🩵🤍✍️ sdcompostela.com/2024/05/23/un-puntal-para-el-compos-samu-rodriguez-dos-anos-mas-de-blanquiazul/#samu2026 ... See MoreSee Less
Ver en Facebook

1 week ago

SD Compostela
🩵🤍 Grazas, Pato!🎙️ Rolda de prensa de despedida do porteiro tras seis tempadas defendendo a portería branquiazul 🧤🤝 Sempre un dos nosos! ... See MoreSee Less
Ver en Facebook

1 week ago

SD Compostela
⚽️ Semana de adestramentos👉 O equipo inicia unha nova semana con catro sesións previstas, todas elas no campo do Sergas ... See MoreSee Less
Ver en Facebook

All contents © copyright SD Compostela. All rights reserved.