Santi e Uña, dous eixos da columna vertebral que seguirán un ano máis

3 de Xullo de 2018

7. Uña Barbadás

  • O dianteiro e o central viviron un ano no que foron pezas fundamentais para Yago

Santiago de Compostela, a 3 de Xullo de 2018

A SD Compostela segue confeccionando o seu proxecto para o ano que vén coa continuidade da maioría dos xogadores do plantel. O club aposta por manter a maior cantidade de xogadores posible e Santi Gegunde e David Uña serán dous dos que se manteñan no bloque de Yago Iglesias. O dianteiro lucense e o central madrileño renovan a súa vinculación co club por unha tempada máis, na que buscarán finalizar a peregrinación co soño do ascenso.

Ambos xogadores forman parte dunha columna vertebral na que foron pezas fundamentais, tanto no primeiro ano, malia que David Uña chegou no mercado de inverno, como este segundo curso no que estiveron a piques de lograr o ascenso, sendo ambos titulares nesa final, o que demostra o seu papel no proxecto.

Santi Gegunde, tras un primeiro curso no que se destacou como o dianteiro centro referencia, deu un paso atrás esta tempada para realizar labores de mediapunta, xusto por detrás de Primo. A pesar de participar máis na elaboración do xogo, a súa faceta goleadora viuse incrementada, anotando un tanto máis.

No seu primeiro ano en Santiago, tras chegar do CD As Pontes, o dianteiro lucense de 24 anos participou en 31 encontros, vinte deles de titular, nos que conseguiu perforar a portería rival en nove ocasións.

Pola súa banda, esta última campaña, Santi xogou 36 partidos de liga regular, 27 saíndo de inicio, aos que sumou tres duelos de suplente e un de titular no playoff de ascenso. Nesa última fase, Santi tivo que convivir coas molestias dunha escordadura de nocello sufrido no partido contra o CD Arenteiro. Ao final, pechou o curso con 10 goles marcados, entre o que sobresae o logrado desde o centro do campo ante a SD Negreira, e numerosas asistencias para os seus compañeiros.

David Uña, á súa vez, chegou a Compostela no inverno de 2016 procedente do Orihuela CF e desde a súa aterraxe converteuse nun xogador fundamental no eixo da zaga branquiazul. Na súa primeira etapa, o central madrileño disputou quince encontros, todos eles menos un de titular, mentres que nesta segunda campaña aumentou as súas cifras ata os 26 encontros saíndo de inicio, tres dos mesmos no playoff de ascenso. Nesta participación, Uña destacou polo seu poderío cabeceador, anotando tres goles a balón parado no campionato.

Tras quedar a un paso do ascenso, Uña quere axudar á SD Compostela e á cidade, á que lle colleu un gran agarimo, a regresar a unha categoría superior, a cal xa disputou nas filas do Atlético Astorga e o Rayo Vallecano B.

Con estes dous xogadores, son dez os que xa confirmaron a súa continuidade no proxecto santiagués. Santi e Uña súmanse a Sergio Pereira, Saro, Casas, Naveira, Mon, Ube, Alberto Freire e Samu, así como á fichaxe de Josiño Filgueira.

Youtube

Instagram Compos

Flickr Amadeo Rey

  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1

Instagram Canteira

Twitter Canteira

Facebook

2 days ago

SD Compostela
👏 @samurodriguez14, #JugadorCincoEstrellas da SD Compostela 23.24 🩵🤍🏆 O capitán, cos votos da afección en Twitter, foi elixido como o xogador máis destacado da tempada, logo de ser fundamental na segunda volta🤝 @futbolmahou 🍻 ... See MoreSee Less
Ver en Facebook

2 days ago

SD Compostela
Hoxe temos de aniversario ao noso míster 🩵🤍🎂 Moitos parabéns, Antón!🙌 Que veña un ano cheo de éxitos e que os desfrutemos xuntos! ... See MoreSee Less
Ver en Facebook

3 days ago

SD Compostela
Nova SEDE dos Campus Xacobeos! Prezo subvencionado para os empadroados en O Pino e Touro grazas ao noso patrocinador Proxecto Touro - Cobre San Rafael#CampusXacobeosOs 𝐦𝐞𝐥𝐥𝐨𝐫𝐞𝐬 𝐂𝐚𝐦𝐩𝐮𝐬, os do 𝐂𝐨𝐦𝐩𝐨𝐬 🩵🤍🙌🏻 Nova sede! Desta vez en 𝐓𝐨𝐮𝐫𝐨, do 8-19 de Xullo!🤝 Grazas a @cobresanrafael, os/as nenos/as empadroados en Touro e O Pino pagarán 30€ polas 2 semanas do #CampusXacobeos✍🏻 Inscríbete na ligazón da nosa bio! ... See MoreSee Less
Ver en Facebook

3 days ago

SD Compostela
Hoxe está de aniversario o noso capitán e candidato ao #JugadorCincoEstrellas, Samuel Rodriguez Noya 🩵🤍🎂 Moitos parabéns, Samu! ... See MoreSee Less
Ver en Facebook

All contents © copyright SD Compostela. All rights reserved.