Miki, terceiro reforzo para o proxecto branquiazul

5 de Xullo de 2018

Miki Camiseta 1

  • O extremo, que procede do CD Boiro, firma por un ano e caracterízase pola súa velocidade e desborde

Santiago de Compostela, a 5 de Xullo de 2018.

Miguel Villar Alonso, Miki, (Nigrán, 1996) é o terceiro reforzo da SD Compostela para a próxima tempada 2018/19. O extremo, que procede do CD Boiro, firma por un ano coa entidade santiaguesa, máis outro opcional.

O futbolista, de 21 anos, é canteirán do Rápido de Bouzas e ten unha dilatada experiencia, para a súa idade, tanto en Terceira División, na que suma máis de 5.000 minutos de xogo, como en Segunda División B. Disputou xa catro cursos en Terceira, categoría na que debutou no seu segundo ano de xuvenís, e outras dúas en Segunda B, nas filas do Pontevedra CF.

O último curso, Miki foi dos xogadores máis destacados do CD Boiro, sendo un dos que máis minutos disputou de todo o plantel. Pechou o curso con 31 partidos disputados, 25 deles como titular, nos que conseguiu anotar tres tantos.

Anteriormente, a nova fichaxe branquiazul alternou o Rápido de Bouzas, club no que comezou a xogar desde as categorías inferiores e no que deu o salto a sénior no seu segundo curso de xuvenís, e o Pontevedra, conxunto co que debutou na categoría de bronce do fútbol español na campaña 2015/16.

O futbolista de Nigrán, cunha gran proxección futbolística, destaca, principalmente, pola súa rapidez e desborde, que, unidos á súa mocidade e experiencia, convérteno nun xogador destacado dentro do grupo 1 da Terceira División.

Á súa chegada á capital galega, e tras estampar a súa firma, o extremo comentou que se sente con moitas ganas de iniciar esta nova etapa na súa carreira deportiva. “Elixín o Compos polo deportivo, mellor sitio en Terceira non hai ningún. Repetir o do ano pasado será moi complicado, pero tentarei axudar ao equipo para meternos no playoff e despois xa se verá”, explicou Miki Villar.

Coa renovación de Rubén e a fichaxe de Miki, a SD Compostela pecha o 5 de xullo con 15 xogadores con contrato para a próxima tempada, sentando as bases dun proxecto que peregrinará sen cesar por un soño, o ascenso.

Youtube

Instagram Compos

Flickr Amadeo Rey

  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1

Instagram Canteira

Twitter Canteira

Facebook

23 hours ago

SD Compostela
⌚️ Abril comezará cun derbi para os nosos en terras viguesas ⚽️ X30🆚 CORUXO F.C. 🗓️ 07.04.24⏰ 12.00🏟️ O Vao#CoruxoCompos ... See MoreSee Less
Ver en Facebook

2 days ago

SD Compostela
🎙️ 𝐑𝐝𝐏 | Antón Permuy e Samu🗣️ O adestrador e capitán da SD Compostela analizaron o momento do equipo e o duelo ante o CD Guijuelo do domingo📸 Acompañounos Mónica Pereiro, da Clínica & akt, patrocinadora do encontro#ComposGuijuelo ... See MoreSee Less
Ver en Facebook

3 days ago

SD Compostela
🤝 Roque e Escoruela tiveron a pasada semana un encontro con 220 alumnos do CPI Colexio Nosa Señora do Rosario de Arzúa🩵🤍 Na visita, enmarcada nas actividades de promoción do deporte do noso patrocinador Proxecto Touro - Cobre San Rafael, entregaron invitacións para o duelo contra o CD Guijuelo e tiveron unha entretida charla cos cativos#composguijuelo ... See MoreSee Less
Ver en Facebook

3 days ago

SD Compostela
𝐏𝐀𝐑𝐓𝐄 𝐌É𝐃𝐈𝐂𝐎 👉 Euse foi operado onte da súa rotura do ligamento cruzado anterior do xeonllo dereito💪 Moito ánimo, Euse! Volverás máis forte, estamos seguros! Un día menos para volver! ... See MoreSee Less
Ver en Facebook

4 days ago

SD Compostela
Hoxe está de aniversario Juampa 🩵🤍🎂 Moitos parabéns! Oxalá que veña acompañado este domingo desa vitoria tan necesaria que todos estamos desexando! 🙌 ... See MoreSee Less
Ver en Facebook

All contents © copyright SD Compostela. All rights reserved.