Tierra y jardín – Omar Hermida
Tierra y Jardín estréase esta tempada como sponsor do club, patrocinando aos nosos porteiros, Pato Guillén e Borja Rey. Despois de moitos anos vinculados ao mundo do fútbol, apoian ao equipo coa esperanza de poder aspirar a Segunda. Comezan patrocinando o partido desta semana contra o CD Guijuelo no Vero Boquete de San Lázaro.
Cal é a súa actividade?
Nós levamos dez anos traballando no sector da xardinería. Estamos tanto en obra pública, como en xardíns privados de particulares. Encargámonos de todo o que se refire a montaxe de rego, deseño de xardíns e plantacións. Tamén facemos agora unha parte moi importante que é a poda en altura.
Que lles levou a patrocinar ao equipo?
Eu sempre estiven metido no mundo do fútbol, xogando en equipos da zona de Santiago. Agora teño un neno ao que lle encanta o fútbol e durante este último ano afeccionámonos a ir ao Vero Boquete a ver ao Compostela as fines de semana.
Que lle aporta á súa empresa patrocinar a un equipo de fútbol como o Compostela?
Nos fixémolo sobre todo por botar unha man a un equipo da zona, de Santiago. Apórtanos visibilidade, está claro, pero a nosa intención foi apoiar o deporte local.
Cal é a súa relación co deporte en xeral e a SD Compostela en particular?
O meu vínculo co deporte sempre foi o fútbol, xogando en equipos da zona. E agora, co neno, intentábamos ir sempre a velo. A tempada pasada fomos ver un partido contra o Ourense e xurdiu a idea de patrocinalo, pregunteille ao pequeno a quen quería patrocinar e dixo que ao porteiro, que quería os seus guantes, e así foi.
¿Un desexo para esta tempada?
O desexo principal e primordial e seguir aí, nesta categoría, e seguir xogando como ata agora para poder quedarnos na Segunda B. Sempre podemos subir á Segunda, non? Pero aquí hai que manterse, uns aniños polo menos.
