Empate sen goles ante o Lugo B

5 de Marzo de 2023
Mario Rodríguez encarando a un rival do Lugo B.
Parapar buscando un balón na segunda metade.
Darío protexendo o balón contra Iago Novo.
Unha das ocasións máis claras para o Compos, co balón solto, sen que Fer puidese chegar. Foto: Amadeo Rey.
  • O Compos non atopou o premio, nas súas continuas chegadas, e selou un novo empate na casa

Santiago de Compostela, 5 de marzo de 2023

A SD Compostela volveu sumar, esta vez dun, ante o seu público. Os branquiazuis foron superiores durante boa parte do encontro, pero faltoulles mordente para mandar á rede os innumerables achegamentos pola área. Por iso, dada a falta de acerto, o derbi ante o Lugo B acabou co 0-0 inicial.

Cos mesmos protagonistas que a semana pasada, a SD Compostela buscaba un éxito similar, esta vez, diante do seu público. Nunha mañá fresca, os nosos tiñan por diante un gran derbi contra o filial do Lugo para seguir enganchado na parte alta.

Con dous equipos ofensivos e moi abertos, os nosos saltaron mellor e avisaron primeiro, pero Darío non puido conectar con Mario nunha contra de moito perigo para os branquiazuis.

Ante un rival atacante, o Lugo B respondeu rapidamente á saída dun córner, pero Borja Rey, de novo no once, demostrou os seus reflexos para voar e sacar arriba unha volea de Parga, nunha acción que aplaudiu a bancada.

Precisamente, a balón parado, o Compos tamén tería as súas. Cada acción de estratexia era moi perigosa, aínda que non conseguían conectar coa rede. Na máis clara, no 14, Pablo Antas rematou só no segundo pau, tocouna Fer Beltrán, pero non a puido orientar cara á portaría.

A pesar dos continuos achegamentos por tres cuartos de campo, custaba chegar á área. Así, ata o descanso, tan só houbo un achegamento con perigo, cun disparo de Riki Mangana coa zurda, que atrapou Brais.

Chegouse ao intermedio con empate e comezou a segunda cos mesmos protagonistas, e polos mesmos camiños. O Compos aloxábase en campo rival, quizais con maior presencia que no primeiro acto, pero sen clarificar os seus achegamentos.

Foi coa entrada de Parapar, pasada a hora do partido, cando as ocasións comezaron a chegar. A verticalidade do atacante coruñés complicou á armazón defensiva dos lucenses. Nada máis entrar, o propio extremo probou a Brais, de lonxe, pero chapouna o porteiro.

Dez máis tarde, de novo Parapar, esta vez por liña de fondo, entrou con perigo, púxoa atrás, pero Jaime, primeiro, e Mario, despois, atopáronse coas pernas dos defensores.

Con todo, a máis clara chegaría xa na recta final, de novo nas botas de Parapar. O extremo volveuse a ir do seu lateral, disparou coa dereita a porta, pero Brais, co pé, sacouna sobre a liña e no rexeite Pablo Antas buscou a escuadra, pero escapouse por moi pouco.

Entrouse no desconto, houbo centros á área con moito perigo, pero infelizmente, a pelota hoxe non quixo entrar. Por iso, pechouse o partido tal e comezou, co 0-0. Agora tocará un novo derbi, no que os nosos tentarán volver sumar de tres, contra o Coruxo.

FICHA TÉCNICA

0- SD COMPOSTELA: Borja Rey; Riki Mangana (Parapar, m.65), Álvaro Casas, Pablo Crespo, Damián; Pablo Antas, Roque, Fer Beltrán, Jaime Santos (Kike, m.78); Mario Rodríguez e Darío.

0- CD LUGO B: Brais Vázquez; Torrado, Castrín, Parga, Pablo (FReyre, m.84); Vidal (Xabi D., m.62); Rosón, Fidalgo, Iago Novo, Ces Cotos (Ramos, m.72); e Christian (Leandro, m.84).

GOLES: Sen goles.

ÁRBITRO: Carbajales Suárez (Asturias). Amoestou a Pablo Antas e Roque, polo Compos; e a Parga, Christian, Rosón e Pablo, polo Lugo B.

INCIDENCIAS: Estadio Verónica Boquete de San Lázaro (Santiago de Compostela). Xornada 24 do Grupo 1 de Segunda RFEF disputado ante 1074 espectadores.

Youtube

Instagram Compos

Facebook

2 days ago

SD Compostela
Feliz Día das #LetrasGalegas2025Unha lingua, unha cultura e unha identidade propias que nos identifican 🩵🤍Este ano está dedicado ás cantareiras, e por iso queremos compartir a serie documental 'Se canto é porque quero' da Real Academia Galega 🎥 academia.gal/comunicacion/videos/agrupacion-1730767 ... See MoreSee Less
Ver en Facebook

3 days ago

SD Compostela
BONOS CORAZÓN COMPOSTELA 2025 🩵🤍👉 Mañá, ás 9.30 horas, ábrese o prazo para adquirir os Bonos Corazón🙌 Poderás utilizalos na nosa TENDA OFICIALCada persoa pode descargar ata 3 bonos de 50€ (IVE incluído), cofinanciados nun 40% polo Pazo de Raxoi Dispoñibles ata o 16 de xuño ou ata esgotar o saldo➕ℹ️ en bonoscorazoncompostela.gal#tendaoficialcompos ... See MoreSee Less
Ver en Facebook

2 weeks ago

SD Compostela
Sempre nas boas. Sempre nas malas. Sempre Compos 🩵🤍✍️ sdcompostela.com/gl/2025/05/05/sempre-nas-boas-sempre-nas-malas-sempre-compostela/ ... See MoreSee Less
Ver en Facebook

2 weeks ago

SD Compostela
🎥 𝐑𝐝𝐏🎙️ 𝐒𝐞𝐜𝐡𝐨#ComposValladolidPromesas ... See MoreSee Less
Ver en Facebook

All contents © copyright SD Compostela. All rights reserved.