Santiago de Compostela, 10 de marzo de 2023
A Xunta Directiva da Sociedade Deportiva Compostela quere informar a todos os seus abonados e abonadas que este próximo luns, 13 de marzo, celebrarase unha nova reunión informativa. O encontro, seguindo a liña do anterior, celebrarase ás 19.45 horas no Hotel Oca Porta do Camiño.
A reunión servirá para informar sobre o día a día do club, co obxectivo de que os abonados poidan coñecer, de primeira man, a actualidade compostelanista. Ademais, como na anterior ocasión, responderanse as dúbidas e preguntas que se expoñan.
Para acceder á reunión, será necesario presentar o DNI e o abono. Cabe citar ademais que xa foron avisados todos os abonados que facilitaron o seu correo electrónico, vía e-mail.
Este segundo encontro cos abonados, que se suma aos realizados coas peñas, responde á vontade da directiva da SD Compostela de abrir o club aos seus seguidores. Na primeira cita, celebrada en outubro, participaron uns oitenta afeccionados branquiazuis.
One comment
Los virus no son microorganismos
11 de Marzo de 2023 at 12:12
era importante saber que proxeto teñen os novos socios, inversión qué van facer, etc
Comments are closed.