-
O club agradécelle a Mario Rodríguez o sacrificio e esforzo polo ben do Compos e deséxalle moita sorte no seu novo reto deportivo
Santiago de Compostela, 28 de xuño de 2023
Mario Rodríguez non continuará na SD Compostela a próxima campaña. O atacante, tras unha gran tempada na capital galega, emprenderá un novo reto deportivo, polo que decidiu non renovar co Compos.
A pesar de estar tan só un ano no club, vaise un xogador moi querido e que o deu todo polo ben da entidade. Por iso, só temos palabras de agradecemento por ese compromiso e ese sacrificio, o cal foi encomiado por todos.
Nesta tempada na SD Compostela, Mario Rodríguez deixou unha gran imaxe, demostrando a calidade que atesoura. Disputou un total de 32 partidos, 28 deles de titular, para un total de 2.302 minutos de xogo.
Sobre o verde, marcou once goles e repartiu tres asistencias, ao que sumou un traballo encomiable no labor ofensivo branquiazul. As súas últimas dianas chegaron no partido de ida da eliminatoria de playoff, un dobrete que, con todo, non foi suficiente para a clasificación final.
Grazas Mario por todo o teu esforzo e agarimo cara ao Compos. Moita sorte nesta nova etapa e lembra que Santiago sempre será a túa casa.
