Presentado o VII Memorial Antonio Bermúdez

7 de Agosto de 2023
  • Mañá, o Compos medirase ao Celta no Vero Boquete no VII Memorial Antonio Bermúdez

Santiago de Compostela, 7 de agosto de 2023

A SD Compostela xogará mañá un partido moi especial, o VII Memorial Antonio Bermúdez, que está patrocinado por Cobre San Rafael. Chega ao Vero Boquete, ás 20.00 horas, o RC Celta de Vigo, un duelo contra un equipo de Primeira División para testear o nivel dos nosos nesta pretemporada.

O encontro será o último que dispute o cadro olívico, no seu ano do centenario, antes de comezar a liga, esta fin de semana, o que supón tamén outro gran aliciente para o enfrontamento.

Será a primeira visita do primeiro equipo do Celta a esta cita ineludible no calendario estival do club, coa que se lembra a figura dun gran amigo como era Antonio Bermúdez.

O encontro foi presentado esta mañá no Estadio Verónica Boquete de San Lázaro, nun acto no que estivemos acompañados por Pilar Lueiro, concelleira de Deportes de Santiago; Pablo Núñez, de Cobre San Rafael; e Toño Bermúdez, fillo do homenaxeado. Ademais, tamén estiveron presentes, por parte do club, Miguel Fernández, director de márketing; e Manel Menéndez, adestrador do Compos.

 

Compra de entradas

A compra de entradas para o partido está habilitada tanto de forma en liña como presencial.

Mañá poderanse adquirir nos despachos de billetes, a partir das 18.45 horas.

Pola súa banda, a compra de entradas por Internet está habilitada na plataforma Cluber, na seguinte ligazón: https://bit.ly/EntradasvsCelta.

O prezo é de 15€ a entrada xeral, 12€ para abonados do RC Celta, 10€ con Carné Xove e 5€ para menores de entre 3 e 16 anos.

Cabe destacar que os Abonados da SD Compostela entran gratis. O abono pódese realizar en liña, na ligazón https://bit.ly/AbonateaoCompos, na Oficina, de 9.00 a 15.00 horas; ou na Tenda Oficial, aberta de luns a sábado (mañá, polo partido, pechará ás 15.00 horas).

 

Valoración de Manel Menéndez

Durante a presentación do Trofeo, o técnico compostelanista tamén valorou esta gran cita para os nosos.

“A pretempada é un proceso lento, aínda que está a pasar bastante rápido. Tiña a idea moi clara, sei o que quero do equipo, sei o que había e o que hai, un equipo con moita calidade, que quere xogar, pero quero manter un nivel de competitividade e compromiso defensivo, porque ofensivamente temos moita pegada. Imos collendo os automatismos e dando pasiños en cada partido”, sinalou o técnico.

En canto ao encontro contra o Celta destacou que “é un partido que ilusiona a todo o mundo. Xogar contra unha Primeira División, contra un rival como o Celta fainos ilusión para competir. Ademais, é outro partido máis de pretempada, de moitísima esixencia no que traballaremos cousas que nos virán moi ben”.

Youtube

Instagram Compos

Flickr Amadeo Rey

  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1

Instagram Canteira

Twitter Canteira

Facebook

24 hours ago

SD Compostela
𝐏𝐑𝐄𝐓𝐄𝐌𝐏𝐀𝐃𝐀 𝟐𝟒.𝟐𝟓 ⚽️ Confirmado un novo amigable de verán para os nosos🏆 I Trofeo Mercado La Galiciana 🆚 Club Deportivo Arenteiro 🗓️ 26 de xullo🏟️ Baltar ⌚️ 19.30#PretempadaCompos ... See MoreSee Less
Ver en Facebook

2 days ago

SD Compostela
Jaime Santos non seguirá na SD Compostela Moitas grazas polo teu compromiso e traballo e moita sorte para o futuro✍️ sdcompostela.com/2024/07/12/jaime-santos-despedida-sd-compostela/ ... See MoreSee Less
Ver en Facebook

3 days ago

SD Compostela
SD Compostela's cover photo ... See MoreSee Less
Ver en Facebook

3 days ago

SD Compostela
🩵🤍 Lanzamos Quérote Compos, a Campaña de Abonos para a Tempada 24/25🗓️ Dispoñible a partir do luns!🤝 20% de desconto para renovacións (25% para integrantes das peñas)🎫 15€ co Carné Xove 🙌 E moito máis 👉 + info 🔜#quérotecompos ... See MoreSee Less
Ver en Facebook

All contents © copyright SD Compostela. All rights reserved.