O Compos suma un punto contra o Covadonga

16 de Setembro de 2023
Once do Compos no Álvarez Rabanal
Gol de Pep Caballé para o Compos
Celebración da SD Compostela tralo gol de Pep
  • O Compos adiantouse no marcador, pero os locais empataron na recta final

Santiago de Compostela, 16 de setembro de 2023

Un punto máis para o Compos neste inicio de liga. A SD Compostela segue sen perder tras sumar un novo empate en Asturias, esta vez, 1-1. Os nosos igualaron contra o Covadonga nun encontro no que rozaron a vitoria. Un tanto de Pep Caballé, no minuto 6, achegou a vitoria, pero os ovetenses empataron na recta final do duelo.

Tras conseguir a primeira vitoria na casa, a SD Compostela quería prolongar as súas boas sensacións nunha nova saída a terras asturianas. Os nosos visitaban ao Covadonga, un rival que, aínda que non sumara ningún punto ata a data, si demostrara un gran nivel en ambos encontros.

Para a cita no Álvarez Rabanal, en herba artificial, Manel Menéndez deu entrada, como novidades, a Euse , que debutaba como titular como lateral esquerdo, e a Jordan e Parapar, que regresaban ao once inicial. Ademais, Pep Caballé, ante a ausencia de Riki, colocábase como lateral dereito.

Ante o cambio de superficie, apuntábase na previa a importancia de arrincar ben e o certo é que non puido ir mellor para os intereses do Compos. Na primeira aproximación, primeiro gol para os nosos. Un centro de Juampa desde a esquerda paseábase pola área, pero chegaba a Pep Caballé, que controlaba co peito e soltaba unha volea que se coaba polo segundo pau. Un golazo para adiantar ao Compos en Oviedo, 0-1.

O gol a favor deu ás á SD Compostela, que seguiu insistindo sobre área rival, buscando o segundo. Tívoa Manu Barreiro, cazando un centro de Juampa , pero non puido orientar o golpeo coa zurda, que saíu rozando o pau. E tamén Pablo Antas, pero tras atopar o espazo polo carril central, o bote xogoulle unha mala pasada e escapóuselle a pelota, cando xa se plantaba no man a man.

Co paso dos minutos, a contenda foise equilibrando, cun Covadonga cada vez máis atrevido. Os locais reducían espazos e sentíanse máis cómodos, tentando xerar perigo con accións, sobre todo, a balón parado.

En todo caso, salvo un tiro de Nino, escorado, que despexou ben Pato, non houbo que destacar ningún achegamento máis. Pola súa banda, o Compos buscou algún contragolpe, aínda que sen atopar ningún remate claro. Por iso, chegouse ao intermedio co 0-1.

Á volta dos vestiarios, cos mesmos protagonistas, a SD Compostela volveu saltar con máis intensidade e, de novo, tería unha ocasión inmellorable para marcar nada máis arrincar, no 47. Plantouse Manu Barreiro no man a man, gañando o esférico no salto contra os centrais, pero Buru, cunha gran estirada, evitou o gol do dianteiro compostelán.

E esa acción deu un impulso ao Cova. Os locais colleron confianza, como no primeiro acto, comezaron a roubar máis balóns e levando máis perigo sobre a portería de Pato Guillén. Na máis clara, Ariel Herrero rozaría a diana cun remate en área pequena, pero salváronse os nosos.

Pola súa banda, o Compos buscaba a súa nalgunha acción illada e teríaa moi clara, de novo, con Manu Barreiro como protagonista. Tras un córner a favor, Antón de Vicente puxo o centro coa zurda e o ariete rematou de cabeza, pero a pelota estrelouse contra o traveseiro.

Sen fortuna arriba, tocaba protexer a área propia, pero o Covadonga, no 83, atoparíase co premio que estaba a buscar. Nun despexe longo, Vicente, que acababa de entrar ao campo, gañou as costas da defensa, encarou a Pato e superouno por arriba, 1-1.

Comezaba un novo partido, con apenas minutos por xogarse. Ambos equipos non se conformaban e querían máis, pero o marcador xa non se moveu. A opción máis clara, un disparo afastado dos locais que tocou nun xogador, sacaríao Pato cunha brillante acción de reflexos, sacando a perna para evitar o tanto.

O encontro, por tanto, pechouse co citado 1-1, con reparto de puntos. O Compos vólvese a levar un empate de terras asturianas, aínda que estivo preto de sumar o triunfo. De novo, tocará facelo bo na casa, o vindeiro domingo, contra o Zamora. O partido xogarase ás 16.00 no Estadio Verónica Boquete de San Lázaro.

FICHA TÉCNICA

1- CD COVADONGA: Buru; Berto (Santullano, m.71), Trabanco, Figar (Morilla, m.53), Álvaro (Vicente, m.82); Pablo; Nino, Avanzini (Endika, m.71), Omar; Arce (Samu, m.53) e A. Herrero.

1- SD COMPOSTELA: Pato Guillén; Pep Caballé (Hugo Matos, m.87), David Soto, Álvaro Casas, Euse; Antón de Vicente, Pablo Antas; Parapar (Kike, m.70), Jordan (Jaime Santos, m.61), Juampa (Fer Beltrán, m.70); e Manu Barreiro.

GOLES: 0-1: Pep Caballé, min.6; 1-1: Vicente, min.83.

ÁRBITRO: García Presa (León). Amoestou a Pablo e A. Herrero, polo Cova; e a David Soto, Jaime Santos e Hugo Matos, polo Compos.

INCIDENCIAS: Estadio Municipal Álvarez Rabanal (Oviedo). Xornada 3 do Grupo 1 da Segunda RFEF ante uns 400 afeccionados, aproximadamente. Antes do minuto gardouse un minuto de silencio polo falecemento dun xogador da Urraca CF (3ª RFEF).

Youtube

Instagram Compos

Flickr Amadeo Rey

  • COMPOSTELA- 2 PONTEVEDRA- 2
  • COMPOSTELA- 2 PONTEVEDRA- 2
  • COMPOSTELA- 2 PONTEVEDRA- 2
  • COMPOSTELA- 2 PONTEVEDRA- 2
  • COMPOSTELA- 2 PONTEVEDRA- 2
  • COMPOSTELA- 2 PONTEVEDRA- 2

Instagram Canteira

Twitter Canteira

Facebook

4 hours ago

SD Compostela
𝐌𝐀𝐓𝐂𝐇𝐃𝐀𝐘 🩵🤍🆚 Real Oviedo Vetusta⏰ 16.00🏟️ El Requexón 1📺 Youtube Real Oviedo🙌 Só vale gañar!!! Imos a pola vitoria!!!#VetustaCompos ... See MoreSee Less
Ver en Facebook

2 days ago

SD Compostela
🎙️ 𝐑𝐝𝐏 | Pablo Antas 🗣️ O mediocentro tamén falou na previa á visita ao Real Oviedo Vetusta⚽️ O capitán, que volve ao equipo tras sanción, remarcou a necesidade de sumar, tras moito tempo, unha vitoria coma visitantes#VetustaCompos ... See MoreSee Less
Ver en Facebook

2 days ago

SD Compostela
🎙️ 𝐑𝐝𝐏 | Antón Permuy🗣️ PREVIA antes da visita ao Real Oviedo Vetusta, este sábado, ás 16.00 horas, no Requexón⚽️ O técnico destaca a melloría do equipo e centra o foco en conseguir a vitoria en terras asturianas#VetustaCompos ... See MoreSee Less
Ver en Facebook

5 days ago

SD Compostela
Este sábado, en Oviedo, só vale gañar para poder seguir na pelexa! 🩵🤍🆚 Real Oviedo Vetusta🗓️ 20.04.24⏰ 16.00🏟️ El Requexón 📺 www.youtube.com/@realoviedo#VetustaCompos ... See MoreSee Less
Ver en Facebook

All contents © copyright SD Compostela. All rights reserved.