Tres puntos moi necesarios para un Compos que volve á senda triunfal

27 de Xaneiro de 2024
Marco Baña, do Xuvenil A da SD Compostela, debutou hoxe co primeiro equipo, sendo ademais titular.
Celebración do Compos tralo primeiro gol da tarde
Parapar, do Compos, celebra con Juampa e Escoruela o seu gol
  • Os goles de Parapar e Manu Barreiro, ambos na segunda parte, permitiron a vitoria do Compos

Santiago de Compostela, 27 de xaneiro de 2024

A SD Compostela logrou tres puntos moi necesarios na casa ante o CD Covadonga, 2-0. Dous goles na segunda parte, ambos tras centros desde a esquerda, permiten aos nosos manterse na parte alta da táboa e volver á senda triunfal. Era unha vitoria moi necesaria e logrouse, deixando ademais a portería a cero.

Tras un primeiro acto no que lle custou aos nosos, a segunda parte non puido empezar mellor para o Compos. Centro desde a esquerda de Escoruela aos 50 segundos e remate de Parapar, chegando desde atrás, ao fondo das mallas.

Con vantaxe no marcador, os nosos estiveron máis cómodos, máis dominadores, e acabou chegando o segundo, á hora de partido. De novo acción pola esquerda, esta vez Escoruela abriuna para Juampa e o centro do extremo remachouno, no segundo pau e a pracer, Manu Barreiro. Décima diana para o pichichi do Compos e cuarta asistencia para un Juampa que recibiu hoxe o premio ao Xogador Cinco Estrelas da Primeira Volta.

Co 2-0, a tranquilidade asentouse no equipo e, aínda que puido caer algún gol máis, o marcador xa non se moveu. Tres puntos vitais que colocan aos nosos con 31 puntos, pechando a xornada do sábado en postos de playoff.

FICHA TÉCNICA

2 – SD COMPOSTELA: Pato Guillén; Roque, David Soto, Kike, Euse, Escoruela; Samu (Xoel, m.81), Baña (Jaime Santos, m.81); Parapar (Manu Ramírez, m.64), Juampa (David Grande, m.64) e Manu Barreiro (Hugo Matos, m.74).

0 – CD COVADONGA: Buru; Nino (Figar, m.71), Morilla (Vicente, m.71), Trabanco, Álvaro García; Samu (Santullano, m.63), Tineo, Aitor Elena, Turmo; Asier (Berto, m.63) e Ariel.

GOLES: 1-0: Parapar, min.46; 2-0: Manu Barreiro, min.61.

ÁRBITRO: Muñoz Moreno (Madrid). Amoestou a Aitor Elena e Trabanco, polo Covadonga.

INCIDENCIAS: Estadio Verónica Boquete de San Lázaro (Santiago de Compostela). Xornada 20 do Grupo 1 da Segunda RFEF ante 1.115 espectadores. Antes do partido gardouse un minuto de silencio na memoria de José Manuel Ríos Vázquez, abonado do club falecido estes días.

Flickr


Youtube

Instagram Compos

Facebook

4 hours ago

SD Compostela
📋🩵🤍 OS NOSOS 11👨‍🏫 Carlos de Lerma🆚 Deportivo Alavés B#minigloriascompos ... See MoreSee Less
Ver en Facebook

4 hours ago

SD Compostela
🎂 Hoxe está de aniversario o noso 🐈, Iago DomínguezMoitos parabéns, Iago!! 🩵🤍Que o poidamos celebrar cunha +3⃣ esta mañá en Vitoria! 📸 Nacho Castaño ... See MoreSee Less
Ver en Facebook

6 hours ago

SD Compostela
DÍA DE COMPOS! 🩵🤍🆚 Deportivo Alavés B🏟️ Ibaia 3🕛 12:00 horas🎟️ 10€❌📺 🙌 A recuperar a senda do triunfo en Vitoria!📸 @nacho_castano_#minigloriascompos ... See MoreSee Less
Ver en Facebook

18 hours ago

SD Compostela
✅📋 CONVOCATORIA👨‍🏫 Carlos de Lerma🆚 Deportivo Alavés B👉 Os nosos para o encontro de mañá ás 12:00 horas en Vitoria! Regresan á convocatoria tralas súas lesións Ces Cotos e Armental#minigloriascompos ... See MoreSee Less
Ver en Facebook

2 days ago

SD Compostela
🔥🩵🤍 PREVIAO Compos viaxa ata Vitoria en busca do seu cuarto triunfo consecutivo fóra da casa, algo que non logra desde a tempada 2017-2018🗓️ Os nosos xogarán este domingo ás 12 horas no Ibai 3 da Ciudad Deportiva José Luis Compañón fronte a un Alavés B que marcha como segundo clasificado📸 Nacho Castaño #minigloriascompos ... See MoreSee Less
Ver en Facebook

CONTACTO

sdcompostela@sdcompostela.com

981 57 70 41

Av. de Fernando de Casas Novoa, 20, 15707 Santiago de Compostela, A Coruña.

 

All contents © copyright SD Compostela. All rights reserved.