-
O Compos volveu gañar fóra da casa tras gañar 0-1 ao Vetusta, con gol de David Grande
Santiago de Compostela, 20 de abril de 2024
A SD Compostela necesitaba gañar, mereceuno e conseguiuno. Os nosos superaron por 0-1 ao Oviedo Vetusta, nun duelo moi serio, dominado desde o principio e no que ademais tiveron innumerables ocasións. Tres puntos transcendentais para seguir pelexando polo playoff de ascenso.
O tanto de David Grande, no primeiro minuto da segunda metade, serviu para que a SD Compostela volvese gañar fóra da casa tras moitas xornadas. O primeiro tanto do dianteiro coa camiseta compostelanista foi suficiente para conseguir o triunfo.
Tralo tanto, os nosos dominaron por completo o duelo, contando con moi boas ocasións para aumentar a súa vantaxe. As máis claras, un disparo ao pau de falta de Jordan; unha cacholada de Pep Caballé, desde a área pequena, ao lateral da rede; e un man a man de Hugo Matos, que se estrelou tamén na parte exterior da portería.
En todo caso, na recta final, apareceu tamén Pato Guillén, xa recuperado, para realizar unha parada impresionante e asegurar a portaría a cero unha xornada máis, e xa son tres de cinco con Antón Permuy no banco.
Cos tres puntos e seguindo metidos de cheo na pelexa polo playoff, o vindeiro domingo tocará tentar unha nova vitoria, neste caso na casa, contra o Real Avilés Industrial. Será ás 12.00 horas no Vero Boquete.
FICHA TÉCNICA
0 – REAL OVIEDO VETUSTA: Marco; Sesé (Lamine, m.62), Marco Esteban, Aimar Collante, Jaime Vázquez, Osky (Omar Falah, m.76); Dieguito (Cheli, m.76), Víctor Blanco (Nacho Estrada, m.62), Izan (Iván, m.19), Santi Miguélez; e Xavi Sola.
1 – SD COMPOSTELA: Pato Guillén; Pep Caballé, Kike, David Soto, Roque, Jaime Santos (Hugo Matos, m.86); Samu, Pablo Antas (Antón de Vicente, m.86); Manu Ramírez (Jordan, m.55), Parapar (Escoruela, m.66); e David Grande (Manu Barreiro, m.55).
GOLES: 0-1: David Grande, min.46.
ÁRBITRO: Barrio Salas (País Vasco). Amoestou a Izan, Víctor Blanco, Lamine e Marco Esteban, polo Vetusta; e a Manu Barreiro, Roque e Escoruela, polo Compos.
INCIDENCIAS: Cidade Deportiva O Requexón (Oviedo). Xornada 32 do Grupo 1 da Segunda RFEF. Un centenar de afeccionados da SD Compostela desprazáronse ata terras asturianas.
AUDIO ANTÓN PERMUY ROLDA DE PRENSA
