-
A SD Compostela renovou o contrato de Antón Permuy e Dani Gesto para a Tempada 24/25
Santiago de Compostela, 3 de maio de 2024
Antón Permuy (Santiago, 16.05.1990) continuará á fronte da SD Compostela durante a Tempada 2024/2025. E farao acompañado, unha vez máis, por Dani Gesto como segundo adestrador. O club e os técnicos chegaron a un acordo para prolongar a súa vinculación durante un curso máis, despois do gran traballo realizado por ambos.
Máis aló do que suceda este domingo, o Compos asenta as bases do seu proxecto con Antón e Dani á fronte. Dous técnicos da casa, moi coñecedores do fútbol compostelán e que levan demostrando a súa valía desde hai moitos anos.
Ese traballo levounos a dirixir ao primeiro equipo nesta recta final de liga, unha tarefa que están a levar a cabo con mestría.
Todo iso, sen esquecer tampouco o seu gran labor á fronte do Xuvenil A, nunha campaña histórica na División de Honra, levaron ao club a tomar a decisión.
Parabén, Antón e Dani. Estamos nas mellores mans.
