-
O club agradécelles aos 6 xogadores o traballo realizado durante o seu periplo no Compos
Santiago de Compostela, 17 de maio de 2024
Jordan Domínguez, Pep Caballé, Antón de Vicente, David Grande, Manu Ramírez e Roger Escoruela non continuarán na SD Compostela na Tempada 24.25.
O club agradécelles o seu traballo e esforzo durante o seu periplo na SD Compostela e deséxalles a maior das sortes para o seu futuro deportivo e persoal.
No caso de Jordan, deixa o club tras tres tempadas e 78 encontros, nos que anotou oito goles. Pola súa banda, Pep e Antón fano tras unha campaña na que disputaron 25 e 30 partidos, respectivamente. Mentres tanto, o paso de Manu Ramírez, David e Escoruela redúcese a media tempada, na que participaron en 16, 14 e 13 encontros, anotando o dianteiro dous goles.
Moitas grazas e moita sorte!
