Pato Guillén e o Compos separan os seus camiños

• Pato Guillén non continuará na SD Compostela a próxima tempada, despedíndose tras seis tempadas e 179 encontros

Santiago de Compostela, 7 de maio de 2024

Pato Guillén non continuará na SD Compostela a próxima tempada. O porteiro uruguaio e o Compos separan os seus camiños despois de seis tempadas xuntos, as cinco últimas de maneira consecutiva.

Despedimos a un capitán, a un gran compañeiro e a un porteiro que defendeu con honra e moito traballo a portería compostelanista durante 179 encontros oficiais. Un heroe baixo paus que nos deixou paradas antolóxicas e grandes salvadas. Un meta que é tamén parte viva da historia do club, debido a que ostenta o récord de imbatibilidade con 798 minutos (2020), e tamén a segunda mellor marca de con 704 minutos (2023).

Por todo iso, o club só pode ter palabras de agradecemento por todo o achegado nestas seis campañas xuntos.

Moitísimas grazas, Pato. Moita sorte para o futuro, no deportivo e no persoal. E lembra, esta sempre será a túa casa.