-
Os dous capitáns, fundamentais nas últimas campañas, renovaron automaticamente tras superar os seus obxectivos de partidos disputados
Santiago de Compostela, 15 de xuño de 2024
A SD Compostela seguirá dispoñendo de dous dos seus principais baluartes para a Tempada 24.25, os seus dous capitáns Álvaro Casas e Pablo Antas. Dous emblemas do club, fundamentais nos últimos anos e que foron, tempada tras tempada, pezas chave para todos os técnicos compostelanistas.
Precisamente, froito dese protagonismo e participación sobre o verde, Casas e Antas seguirán, un ano máis, defendendo o escudo branquiazul na Segunda RFEF. Durante a última campaña, ambos foron dous dos xogadores con máis minutos disputados do plantel, superando os obxectivos marcados nos seus contratos que activaron as cláusulas de renovación automática por un curso máis.
Deste xeito, coa continuidade de Casas e Antas, o Compos asegúrase a presenza de dous líderes, dentro e fóra do campo. Dous xogadores que son exemplo de traballo duro, sacrificio e dedicación, dous futbolistas da casa que son xa parte da historia do club e que se implicaron sempre polo ben do proxecto da SD Compostela.
Neste sentido, Álvaro Casas, primeiro capitán da SD Compostela, alcanza xa os 227 partidos oficiais disputados co Compos, repartidos en sete campañas. Pola súa banda, Pablo Antas, segundo capitán, suma a cifra de 129 encontros xogados, no seu caso, en cinco tempadas.
Por tanto, estes datos demostran a súa importancia nas últimas campañas, sendo pezas fundamentais da defensa e do centro do campo da SD Compostela.
Álvaro Casas e Pablo Antas, dous dous nosos!
