Giuliano Bertino, potencia e gol para a banda da SD Compostela

5 de Xullo de 20240
  • O extremo arxentino Giuliano Bertino chega ao Compos tras destacar no Formentera

Santiago de Compostela, 5 de xullo de 2024

Verticalidade, desborde e gol para a SD Compostela: Giuliano Bertino (Buenos Aires, 02/12/2000) é novo xogador do Compos para a Tempada 24/25. O extremo arxentino, con experiencia na Segunda RFEF, chega a Santiago tras unha gran campaña no Formentera, no que marcou oito tantos, e firma por 1 campaña, con opción a outra máis.

Giuliano, aos seus 23 anos, destaca polas súas grandes calidades para desenvolverse por toda a fronte do ataque. A súa velocidade, a súa enerxía, a súa potencia en carreira ou o seu acerto ante a portería rival son algunhas das súas virtudes máis destacadas. Todo iso, unido á súa polivalencia para render en calquera posición da dianteira, levaron á dirección deportiva a afrontar a súa fichaxe para o proxecto branquiazul.

Neste sentido, Giuliano, a pesar da súa mocidade, acumula xa 77 partidos na Segunda RFEF, categoría na que suma 22 goles, unha gran cifra goleadora tratándose dun xogador que actúa, preferentemente, como extremo. Ademais, xa debutou na Primeira RFEF e tamén conta no seu haber con dous cursos en Terceira, no filial do Logroñés.

No último ano, Giuliano Bertino realizou unha gran tempada no Formentera, do Grupo III da Segunda RFEF. Na illa, disputou 29 encontros, nos que marcou oito tantos e repartiu varias asistencias, sendo unha das pezas destacadas do equipo.

Este foi o último paso previo á súa chegada ao Compos, nunha traxectoria no fútbol nacional, tras saír de Italia, que comezou en Logroño, despois de chamar a atención nunha Viareggio Cup (torneo italiano sub-21). Alí estivo tres campañas, as dúas primeiras en Terceira e a última na Segunda RFEF, tras lograr o ascenso.

O seu rendemento, con 23 goles anotados en 78 partidos oficiais, chamaron a atención do Talavera, co que debutaría na Primeira RFEF, disputando 7 encontros. En busca de protagonismo, no mercado invernal, Giuliano Bertino recalou no Estepona, do Grupo V de Segunda RFEF, no que xogou 17 encontros en media tempada.

De Andalucía foise a Formentera e agora a Compostela, cidade á que chega con moita ilusión e moitas gañas de seguir demostrando todo o seu potencial, mantendo a súa gran progresión futbolística.

Benvido e moita sorte, Giuliano!

Leave a Reply

Your email address will not be published. Required fields are marked *

Youtube

Instagram Compos

Flickr Amadeo Rey

  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1

Instagram Canteira

Twitter Canteira

Facebook

1 day ago

SD Compostela
𝐏𝐑𝐄𝐓𝐄𝐌𝐏𝐀𝐃𝐀 𝟐𝟒.𝟐𝟓 💪 Primeiro día completado 🆕️ Primeiro día para as novas fichaxes nuns adestramentos estivais con gran presenza da Canteira Picheleira 👨‍🏫 Con Antón Permuy ao mando, iniciamos 7 semanas de preparación para a liga #PretempadaCompos ... See MoreSee Less
Ver en Facebook

1 day ago

SD Compostela
𝐏𝐑𝐄𝐓𝐄𝐌𝐏𝐀𝐃𝐀 𝟐𝟒.𝟐𝟓 Estamos de volta! 💪⚽️ Primeiro día de adestramentos en marcha#PretempadaCompos ... See MoreSee Less
Ver en Facebook

2 days ago

SD Compostela
🙌 𝐅𝐈𝐂𝐇𝐀𝐗𝐄 🩵🤍💪 Iago Domínguez, novo porteiro da SD Compostela para a Tempada 24/25⚽️ O talentoso meta vigués de 22 anos chega desde o Club Deportivo Mirandes 𝐈𝐚𝐠𝐨 𝐃𝐨𝐦𝐢𝐧𝐠𝐮𝐞𝐳 🩵🤍✍️ sdcompostela.com/2024/07/16/iago-dominguez-fichaje-compos-portero/#benvidoiago ... See MoreSee Less
Ver en Facebook

2 days ago

SD Compostela
🙌 𝐅𝐈𝐂𝐇𝐀𝐗𝐄 🩵🤍💪 Iago Domínguez, novo porteiro da SD Compostela para a Tempada 24/25⚽️ O talentoso meta vigués de 22 anos chega desde o @c.d.mirandes@iagodominguezz01 🩵🤍#BenvidoIago ... See MoreSee Less
Ver en Facebook

All contents © copyright SD Compostela. All rights reserved.