-
A SD Compostela superou ao Fabril por 3-0 na oitava edición do Memorial Antonio Bermúdez
Santiago de Compostela, 24 de agosto de 2024
A SD Compostela puxo fin á súa pretempada cunha vitoria convincente no VIII Memorial Antonio Bermúdez. Os nosos pecharon sete semanas de traballo cun sólido triunfo por 3-0 contra o RCD Fabril, no que foi tamén a estrea branquiazul no Vero Boquete.
Contra o filial deportivista, rival ao que se medirán dentro dun mes, na xornada 3 de liga, o equipo dirixido por Antón Permuy foi moi superior durante os 90 minutos. Os nosos adiantáronse aos 40 segundos e xa non soltaron o mando para levar a oitava edición do Memorial Antonio Bermúdez.
Os goles compostelanistas correron a cargo de Diego, quen tamén deu a asistencia do segundo; Hugo Matos e Jesús Ocaña, este último xa na segunda metade.
Un gran resultado co que se pon fin a unha pretempada na que os nosos disputaron sete partidos, con tres vitorias, dous empates e outras dúas derrotas. Agora chega o momento da liga e faino cun duelo de altura para empezar, xa que o Compos visitará Soria para medirse ao Numancia nos Pajaritos. Será o domingo 1 de setembro ás 17.30 horas.
FICHA TÉCNICA
3 – SD COMPOSTELA: Rabanillo (Iago Domínguez, m.83); Santi de Prado (Dani Varela, m.83), Kike (Sálamo, m.69), David Soto (Pablo Crespo, m.69), Roque, Jesús Ocaña (Manu Rivas, m.83); Samu (Balsa, m.69), Diego (Xoel, m.83); Landeira, Hugo Matos (Fer Cano, m.58) e Manu Barreiro (Óscar Gil, m.46).
0 – RCD FABRIL: Alberto; Mardones (Marotías, m.78), Vilela (Damián, m.82), Fadill (Teijo, 78), Iker (Luisao, m.78); Carreira (Aarón, m.82), Noé (Garrido, m.82), Hugo V. (Domínguez, m.58); Ovidio (Delgado, m.58), Bill (Guerrero, m.78) e Dylan (Darío, m.78).
GOLES: 1-0: Diego, min.1; 2-0: Hugo Matos, min.8; 3-0: Jesús Ocaña, min.60.
ÁRBITRO: Gómez Lameiro (Pontevedra). Amoestou a David Soto, Diego e Fer Cano, polo Compos; e a Hugo V. e Fadill, polo Fabril.
