-
Pablo Crespo reforza o seu compromiso co club, renovando por unha tempada máis, con opción a outra
Santiago de Compostela, 6 de xuño de 2025
Un líder, dentro e fóra do campo, para a SD Compostela. Pablo Crespo seguirá un ano máis vestindo a camiseta do Compos, sendo unha peza capital da defensa branquiazul.
O central cántabro reforza o seu compromiso co club co obxectivo de lograr o ascenso a Segunda RFEF. Renova por unha tempada máis, con opción a outra en caso de ascenso.
Deste xeito, a SD Compostela 25-26, dirixida por Secho, contará coa experiencia, solidez e calidades defensivas dun gran central, como veu demostrando en toda a súa etapa na capital galega.
Será a cuarta tempada de Pablo Crespo no Compos, onde suma xa 60 encontros, cifras que seguirá aumentando. A pasada campaña disputou 28 partidos, 25 de titular, anotando ademais un gol.
Deste xeito, a SD Compostela asegúrase a continuidade dunha peza fundamental na defensa durante os últimos anos. Un xogador capital, con ampla experiencia en categorías superiores, para poder lograr o desexado ascenso.
