O Compos demostra a súa solidez para conseguir outra vitoria

27 de Outubro de 2025
O capitán Samu marcou o seu primeiro tanto na tempada.
Maceira celebrando o seu terceiro gol na Liga, segundo a súa segunda xornada consecutiva anotando.
O Compos demostrou solidez no Morrazo para superar ao Alondras por 0-2.
Álex Cobo volveu deixar a portería a cero.
  • Os nosos superaron por 0-2 ao Alondras nun encontro dominado con solidez desde o principio

Santiago de Compostela, 25 de outubro de 2025

A SD Compostela volveu saborear a vitoria lonxe de Santiago. Os nosos demostraron solidez e levaron os tres puntos do Morrazo nun encontro dominado de principio a fin. 0-2 final para seguir no máis alto e conseguir deixar ademais a portería a cero.

Contra o Alondras, o Compos recuperou a sensación de marcar nos primeiros minutos. Fíxoo grazas a un tanto de Samu, aos 6 minutos, aproveitando unha gran asistencia de Parapar para fusilar ao porteiro desde dentro da área. Foi o primeiro gol do capitán na tempada e o undécimo xogador que marca na liga.

A pesar de pórse en vantaxe, os nosos seguiron a por máis, tiveron varios achegamentos para conseguir o gol, especialmente cun remate de cabeza de Maceira ao pau, e acabaron atopando o premio na recta final do primeiro acto, co dianteiro vigués de novo como protagonista. Tras rematar en semierro, Maceira volveu ver porta, pegándolle de segundas á pelota e superando ao porteiro. Terceiro gol na Liga e segunda xornada consecutiva mollando. 0-2.

Con esta vantaxe chegouse o descanso e na segunda parte o Compos soubo manexar a vantaxe con solidez e sen problema. Cun Álex Cobo seguro en cada acción e tentando marcar o terceiro en cada saída a campo contrario, o partido terminouse coa vitoria compostelanista.

Co 0-2, os nosos suman xa 20 puntos, seguen invictos na Liga e mantéñense no máis alto da clasificación. A próxima semana, novo partido na casa contra o Barbadás.

FICHA TÉCNICA

0 – ALONDRAS CF: Brais Pereiro; Diego Piña, Abel, Joel Rocha (Ube, min.77), Aitor Aspas; Kopa (Manufre, min.82), Lucas Camba; Guime (Martín Rafael, min.67), Víctor (Adrián Cruz, min.82), Yelco; e Luismi.

2 – SD COMPOSTELA: Álex Cobo; Diego Rodríguez, Quico, Damián Noya; Diego Uzal, Mateo, Samu (Trasi, min.88); Parapar (J. Cañizares, min.70), Goris (Valín, min.58), Armental (Aarón Martínez, min.88); e Maceira (Carlos López, min.70).

GOLES: 0-1: Samu, min.6; 0-2: Maceira, min.41.

ÁRBITRO: Sergio Castro (A Coruña). Amoestou a Abel e Lucas Camba, polo Alondras; e a Maceira, Goris e Secho (no banco), polo Compos.

INCIDENCIAS: Campo Municipal do Morrazo (Cangas). Xornada 8 do Grupo 1 da Terceira RFEF.

Flickr


Youtube

Instagram Compos

Facebook

10 hours ago

SD Compostela
🔚 FINAALDeportivo Alavés B 1️⃣-1️⃣ COMPOSValioso punto dos nosos nun campo tremendamente complicado🤯🖐️Edu Sousa foi clave parando un penalti co partido 1-1 no treito final🔜🩵🤍 A vindeira semana agardamos por todos vós para recibir ao Bergantiños #minigloriascompos ... See MoreSee Less
Ver en Facebook

13 hours ago

SD Compostela
📋🩵🤍 OS NOSOS 11👨‍🏫 Carlos de Lerma🆚 Deportivo Alavés B#minigloriascompos ... See MoreSee Less
Ver en Facebook

14 hours ago

SD Compostela
🎂 Hoxe está de aniversario o noso 🐈, Iago DomínguezMoitos parabéns, Iago!! 🩵🤍Que o poidamos celebrar cunha +3⃣ esta mañá en Vitoria! 📸 Nacho Castaño ... See MoreSee Less
Ver en Facebook

15 hours ago

SD Compostela
DÍA DE COMPOS! 🩵🤍🆚 Deportivo Alavés B🏟️ Ibaia 3🕛 12:00 horas🎟️ 10€❌📺 🙌 A recuperar a senda do triunfo en Vitoria!📸 @nacho_castano_#minigloriascompos ... See MoreSee Less
Ver en Facebook

1 day ago

SD Compostela
✅📋 CONVOCATORIA👨‍🏫 Carlos de Lerma🆚 Deportivo Alavés B👉 Os nosos para o encontro de mañá ás 12:00 horas en Vitoria! Regresan á convocatoria tralas súas lesións Ces Cotos e Armental#minigloriascompos ... See MoreSee Less
Ver en Facebook

CONTACTO

sdcompostela@sdcompostela.com

981 57 70 41

Av. de Fernando de Casas Novoa, 20, 15707 Santiago de Compostela, A Coruña.

 

All contents © copyright SD Compostela. All rights reserved.