O Compos recupera o liderado cun gran triunfo na Lomba

12 de Abril de 2026
Máis de medio millar de afeccionados do Compos estiveron en Vilagarcía animando aos nosos.
Antón Guisande foi decisivo, con dous goles, para que o Compos recupere o liderado na Liga.
O Compos celebra un dos goles do partido.
Unai Peón regresou á titularidade, estivo imperial roubando moitos balóns e mesmo gozou dunha gran ocasión para marcar gol.
O Compos foi un equipo moi sólido na Lomba para conseguir o triunfo.
Parapar estivo moi incisivo pola banda.
Álex Cobo volveu deixar a portería a cero.
Goris volveu aos terreos de xogo tras superar a súa lesión.
Final do partido con Diego Uzal e Aarón Martínez celebrando coa afección desprazada.
  • Os nosos superaron por 0-2 ao Arousa, nun partido moi sólido decidido cun dobrete de Antón Guisande para recuperar o liderado

Vilagarcía, 12 de abril de 2026

Triunfo de moito mérito do Compos na Lomba, 0-2, para recuperar o liderado na liga. Os nosos superaron ao seu rival máis directo nun encontro moi sólido, decidido con dous goles de Antón Guisande na primeira parte. Unha vitoria moi necesaria para recuperar sensacións e superar ao Arousa na táboa.

A pesar das dinámicas das últimas xornadas, o duelo na Lomba comezou cun protagonista claro: a SD Compostela. Os nosos, moi ben plantados sobre o verde, xeraron perigo desde o primeiro minuto, mostrándose superiores ao seu rival.

Avisou Maceira, cun gol anulado; probouno Samu, de falta, pero mandouna fóra por pouco; e tívoa Antón Guisande, pero sacou Chema unha gran man. Tres ocasións, en vinte minutos, que foron o preludio do primeiro gol da tarde, no 26.

Roubou Riki Mangana, Maceira contemporizou antes de mandala ao espazo para Antón Guisande e o atacante, ante o porteiro, picouna para pór o 0-1. Golazo e tolemia nas bancadas, con máis de medio milleiro de afeccionados do Compos.

E tralo gol, o Compos seguiu ao seu. Unai perdoou o segundo, cunha vaselina que se lle escapou por moi pouco, pero o que non o fixo foi, de novo, Antón Guisande. Imperceptible para a defensa local, Guisande enganou ao central deixando pasar o balón entre as pernas, superou a todos en velocidade e plantouse só ante Chema para superalo, esta vez, cun disparo axustado ao primeiro pau. Outro gran gol, o seu oitavo na Liga, e 0-2.

Con esa vantaxe chegouse ao intermedio, tocou frear os ánimos e encarar unha longa segunda metade. Nela, o Arousa, sen complexos, tivo máis o balón e buscou a portería de Álex Cobo, pero o porteiro do Compos estivo imperial unha vez máis.

A máis clara foi un balón ao pau, tras un centro ao segundo pau, aínda que os nosos tamén terían a súa para marcar o terceiro, pero Parapar, que avanzou desde o centro do campo, mandouna arriba cando tiña todo a pracer.

Por iso, o marcador xa non se moveu e os tres puntos fóronse para o bote da SD Compostela. Triunfo vital para os nosos que recuperan o liderado e, ademais, tamén as boas sensacións. Agora, quedan catro finais para conseguir o obxectivo. A próxima fin de semana a primeira delas, na casa, contra o Atlético Coruña Montañeiros.

FICHA TÉCNICA

0 – AROUSA SC: Chema; Pacheco, Tafa Kanthe (C. Torrado, min.32), Samu Santos, Luis Castro (Manu Fernández, min.86); Concheiro, Remeseiro;         Lombao (Iñaki Martínez, min.75), Álex Rey, Martín Diz; e Gabri Palmás (Yoel Crespo, min.75).

2 – SD COMPOSTELA: Álex Cobo; Riki Mangana, Diego Uzal, Pablo Crespo, Damián Noya; Samu, Unai (Aarón Martínez, min.83); Parapar (David Rosón, min.83), Antón Guisande (Diego Rodríguez, min.89), Armental (Goris, min.62); e Maceira (Charly, min.83)

GOLES: 0-1: Antón Guisande, min.26; 0-2: Antón Guisande, min.39.

ÁRBITRO: Carlos Martínez (Vigo). Amoestou a Samu Santos, Óscar Pérez (segundo adestrador), Álex Rey e Remeseiro, polo Arousa; e a Secho (adestrador) e Diego Uzal, polo Compos.

INCIDENCIAS: Estadio Municipal da Lomba (Vilagarcía de Arousa). Xornada 30 de Liga do Grupo 1 da Terceira RFEF cun ambiente espectacular nas bancadas. Máis de medio milleiro de espectadores do Compos viaxaron ata Vilagarcía.

Youtube

Instagram Compos

Facebook

59 minutes ago

SD Compostela
DÍA DE COMPOS! 🩵🤍🆚 Ourense CF 🏟️ Vero Boquete🕔 17:00 horas🎟️ Entradas online na web ou físicas no Despacho de Billetes (desde as 15:45 horas)📺 En Xogo 🙌 Queremos darvos unha alegría na nosa casa! Todos xuntos, a polo triunfo!#composourense ... See MoreSee Less
Ver en Facebook

14 hours ago

SD Compostela
🙌🫂 Mañá, todos ao Vero Boquete de San Lázaro!💪 Podemos conseguir o triunfo no derbi entre todos🏟️ Queremos seguir de doce e sumar un +3⃣ na nosa casa! 📸 Nacho Castaño #composourense ... See MoreSee Less
Ver en Facebook

2 days ago

SD Compostela
🏅🚴‍♀️ Orgullo de Compostela!Alejandra Neira, campioa do Mundo en Ruta e de Europa en CRI en categoría Junior, será homenaxeada este domingo no Vero Boquete⚽️ A ciclista compostelá fará o saque de honra no derbi contra o Ourense CF #composourense ... See MoreSee Less
Ver en Facebook

2 days ago

SD Compostela
🔥🩵🤍 PREVIAO Compos buscará dar un golpe de autoridade na casa e confirmar así a súa boa dinámica 🗓️ Os nosos recibirán o domingo ás 17 horas ao Ourense FC co obxectivo de prolongar o gran momento do equipo, con 13 puntos obtidos dos últimos 15 posiblesPor primeira vez no que vai de tempada, Carlos de Lerma terá á súa disposición aos 24 membros do plantel📸 Nacho Castaño #composourense ... See MoreSee Less
Ver en Facebook

2 days ago

SD Compostela
🎙️ Previa Carlos de Lerma | Xornada 11🩵🤍 O técnico do Compos destacou que ten a todo o plantel, que seguen co debe de darlle á afección unha alegría na casa e analizou as claves para poder conseguir o triunfo no derbi#composourense ... See MoreSee Less
Ver en Facebook

CONTACTO

sdcompostela@sdcompostela.com

981 57 70 41

Av. de Fernando de Casas Novoa, 20, 15707 Santiago de Compostela, A Coruña.

 

All contents © copyright SD Compostela. All rights reserved.