-
Tralo ascenso, Pablo Crespo seguirá sendo o xefe da defensa e un líder dentro e fóra do campo
Santiago de Compostela, 4 de xullo de 2025
Un líder para o Compos da Segunda Federación. Pablo Crespo seguirá defendendo a elástica branquiazul co compromiso, profesionalidade e traballo que lle caracterizou desde a súa chegada ao club, no verán de 2022. Tralo ascenso, o capitán comandará ao equipo, dentro e fóra do campo, unha tempada máis.
O central cántabro seguirá sendo fundamental para a defensa compostelanista, como o volveu a demostrar esta pasada campaña. Quedou, a pesar do ascenso, coa misión de devolver ao equipo á cuarta categoría do fútbol nacional, e logrouno.
Para iso, o seu labor no verde foi crucial, disputando 37 encontros, todos eles como titular, para superar os 3.200 minutos disputados. Só se perdeu tres citas (a primeira xornada por lesión e dúas por sanción) e ademais marcou dous goles.
Deste xeito, Pablo Crespo cumprirá a súa quinta tempada no Compos, onde suma xa 97 partidos disputados.
