-
Antón Guisande, despois de ser fundamental para o ascenso, renova por unha tempada máis
Santiago de Compostela, 8 de xullo de 2026
Antón Guisande seguirá defendendo a camiseta da SD Compostela na Segunda Federación. O atacante pontevedrés, un dos principais artífices do ascenso, seguirá achegando cos seus goles e a súa verticalidade ao bo facer do equipo na nova categoría. Amplía o seu contrato ata xuño de 2027.
Deste xeito, Antón Guisande cumprirá a súa segunda campaña en Compostela, unha cidade na que encaixou á perfección. O seu traballo incansable, a súa garra e a súa calidade marabillaron a todos, polo que a súa continuidade era unha prioridade.
Na súa tempada de debut como branquiazul, Antón Guisande foi un dos grandes protagonistas do ascenso. Disputou 38 partidos, rozou os 3.000 minutos de xogo, o cuarto que máis do plantel, marcou 11 goles e repartiu 4 asistencias para os seus compañeiros. O seu dobrete en Vilagarcía ou o seu gol na ida contra o Badalona quedaron na retina de todos, aínda que as súas actuacións salientables prolongáronse durante todo o ano.
Agora, tralo seu segundo ascenso consecutivo a Segunda Federación (o curso anterior promocionara coa UD Ourense), debutará na categoría co obxectivo de seguir achegando o máximo ao equipo.
