Edu González, xuventude e proxección para o ataque branquiazul

22 de Xullo de 2026
Edu González, novo xogador da SD Compostela para a Tempada 2026/27.
  • O polivalente atacante de 21 anos Edu González chega procedente da Sarriana, equipo co que debutou na Segunda Federación a gran nivel

Santiago de Compostela, 22 de xullo de 2026

Polivalencia e xuventude para o ataque da SD Compostela 26/27: Edu González (Madrid, 14/04/2005) é novo xogador branquiazul. O prometedor atacante chega procedente da Sarriana, equipo co que debutou na Segunda Federación.

Aos seus 21 anos, Edu González destaca pola súa versatilidade para moverse polas diferentes posicións do ataque, o seu compromiso no traballo colectivo, a súa calidade para o último pase, así como polo seu excelente golpeo de balón. Ademais, conta cunha ampla marxe de crecemento, calidades todas elas que levaron á dirección deportiva a apostar pola súa incorporación.

Nado en Madrid, pero criado na localidade pontevedresa de Redondela dende pequeno, Edu González formouse nas categorías inferiores do RC Celta, aínda que rematou a súa etapa formativa no CD Choco, co que acadou un ascenso á División de Honra e debutou co primeiro equipo sendo xuvenil, marcando mesmo un gol.

Tras acabar xuvenís, continuou a súa progresión no Gran Peña, da Terceira RFEF, sendo un dos xogadores que máis chamou a atención da categoría, xa que disputou 3.000 minutos de xogo e marcou 5 goles. Este rendemento deulle a posibilidade de debutar na Segunda Federación coa Sarriana.

Así, durante a pasada tempada, na súa estrea na categoría, o novo xogador branquiazul disputou 30 partidos oficiais, 19 deles coma titular. En total, rozou os 2.000 minutos de xogo, nos que anotou 5 goles e repartiu 2 asistencias, sendo un dos xogadores máis importantes do conxunto lucense pola súa mobilidade, intensidade e capacidade para chegar á área rival.

Agora, chega ao Compos coa ambición de seguir crecendo e demostrando o enorme potencial que posúe. Para iso, desde hoxe xa adestrou ás ordes de Carlos de Lerma.

Benvido, Edu!

Flickr


Youtube

Instagram Compos

Facebook

4 hours ago

SD Compostela
📋🩵🤍 OS NOSOS 11👨‍🏫 Carlos de Lerma🆚 Deportivo Alavés B#minigloriascompos ... See MoreSee Less
Ver en Facebook

4 hours ago

SD Compostela
🎂 Hoxe está de aniversario o noso 🐈, Iago DomínguezMoitos parabéns, Iago!! 🩵🤍Que o poidamos celebrar cunha +3⃣ esta mañá en Vitoria! 📸 Nacho Castaño ... See MoreSee Less
Ver en Facebook

6 hours ago

SD Compostela
DÍA DE COMPOS! 🩵🤍🆚 Deportivo Alavés B🏟️ Ibaia 3🕛 12:00 horas🎟️ 10€❌📺 🙌 A recuperar a senda do triunfo en Vitoria!📸 @nacho_castano_#minigloriascompos ... See MoreSee Less
Ver en Facebook

18 hours ago

SD Compostela
✅📋 CONVOCATORIA👨‍🏫 Carlos de Lerma🆚 Deportivo Alavés B👉 Os nosos para o encontro de mañá ás 12:00 horas en Vitoria! Regresan á convocatoria tralas súas lesións Ces Cotos e Armental#minigloriascompos ... See MoreSee Less
Ver en Facebook

2 days ago

SD Compostela
🔥🩵🤍 PREVIAO Compos viaxa ata Vitoria en busca do seu cuarto triunfo consecutivo fóra da casa, algo que non logra desde a tempada 2017-2018🗓️ Os nosos xogarán este domingo ás 12 horas no Ibai 3 da Ciudad Deportiva José Luis Compañón fronte a un Alavés B que marcha como segundo clasificado📸 Nacho Castaño #minigloriascompos ... See MoreSee Less
Ver en Facebook

CONTACTO

sdcompostela@sdcompostela.com

981 57 70 41

Av. de Fernando de Casas Novoa, 20, 15707 Santiago de Compostela, A Coruña.

 

All contents © copyright SD Compostela. All rights reserved.