Santiago de Compostela, a 22 de Decembro de 2016.
Por motivos profesionais, Julián López Moure ten que deixar a Sociedade Deportiva Compostela por incompatibilidade do seu horario de traballo cos adestramentos do primeiro equipo.
O xogador, que chegou procedente do Ordes este verán, nesta primeira volta foi titular nun total de 13 partidos, mentres que disputou outros cinco saíndo desde o banco. Dos dezaoito partidos nos que estivo convocado, por tanto, disputou dezasete, co que queda demostrado que era un xogador indiscutible dentro do esquema de Yago Iglesias.
Un referente tanto dentro como fóra do campo, Julián demostrou durante a súa estancia no club a súa madurez futbolística, a parte de ter un comportamento exquisito. Ademais, citar tamén que durante estes partidos anotou un gol, no partido xogado contra o Céltiga.
Dada a importancia do futbolista, o Compos tentou ata o último minuto que puidese compatibilizar o seu horario laboral có horario de adestramento, pero foi imposible.
Por iso, desde o club queremos agradecer a Julián a súa actitude connosco e desexarlle moita sorte na súa nova etapa. Grazas Julián.
