-
Cinco dos sete encontros xogaranse no campo municipal santiagués.
-
O xuvenil Nacional descansa esta xornada polo parón ligueiro.
Santiago de Compostela, a 23 de Febreiro de 2018.
As categorías inferiores volven á acción nun fin de semana no que cinco deles xogarán de locais e no Municipal de As Cancelas. Esta xornada descansará unicamente o xuvenil de Liga Nacional, debido ao parón ligueiro polas seleccións.
En primeiro lugar, o xuvenil B quere sumar tres puntos tras o punto cultivado na súa última saída. Para iso, deberá medirse ao AD Manuel Peleteiro o sábado ás 20.00 horas en As Cancelas.
O cadete, tras un gran triunfo en casa, visita á SD Villestro, coa intención de que o refacho continúe. O duelo será o domingo ás 11.15 horas no Municipal da Barrosa.
En infantís, o A quere recuperar o sorriso cunha vitoria contra o CD Rois, o sábado ás 16.30 horas no campo da Mercé, en Conxo. Pola súa banda, o B xogará en As Cancelas ás 12.15 horas contra o Vista Alegre CF.
Mentres, en alevíns, o A xogará o sábado contra o La Salle en As Cancelas ás 13.00 horas, buscando manterse na parte alta do playoff, e o B fará o propio contra o CD Conxo, dúas horas antes.
Por último, entre partido e partido, 12.00 horas, saltarán ao campo os benxamíns para enfrontarse ás Escolas Deportivas do Arzúa. Tentarán lograr a segunda vitoria do playoff.
