- O atacante coruñés valorou a previa do partidazo contra o Zamora en Durmet, o seu patrocinador oficial e do encontro deste sábado
Santiago de Compostela, 14 de febreiro de 2023
Tras varias semanas sen coñecer a vitoria, a SD Compostela recuperou o sorriso nas dúas últimas xornadas. O equipo conseguiu dous importantes triunfos ante Ourense e Langreo, dous encontros nos que Juan Manuel Parapar partiu como referencia na punta de lanza. O atacante coruñés, que traballa día tras día para adaptarse á súa nova posición, valorou o seu novo rol na previa do partidazo deste sábado.
Nas instalacións de Durmet, o seu patrocinador oficial e do encontro contra o Zamora, Parapar repasou a actualidade do club antes da gran cita no Vero Boquete.
Últimas vitorias. O equipo está a xogar ben e facendo o que ten que facer, porque é importante sumar de tres en tres para estar arriba. Agora xa estamos centrados no próximo partido, contra o Zamora e tentaremos gañar.
Duelo contra o Zamora. Será un partido complicado, como calquera outro, pero temos as nosas armas. Sabemos que será un partido bonito, disputado e que o levará o que mellor estea. Temos que tentar gañar para seguir perseguindo ao líder e conseguir o primeiro posto.
Presenza da afección o sábado. A afección é unha parte moi importante do fútbol. Sempre están animándonos, empúxanos a facer bos partidos e este sábado espero que, unha vez máis, nos axuden a gañar.
Xogar de dianteiro. Síntome ben. Téñome que adaptar, porque nunca xoguei de dianteiro con este sistema. En todo caso, adáptome ao que me pide o míster. Estou a traballar para poder seguir sumando minutos e achegar o que poida ao equipo.
