Make Compos Great Again, unha campaña para recordar a época dourada da SD Compostela

4 de Maio de 2023
Collage con imaxes da campaña Make Compos Great Again, realizado por Natalia Ferviú.
Miguel presentando a campaña.
Santi e Paco, das peñas, durante a presentación.
Carlangas durante a presentación de Make Compos Great Again.
Público asistente ao acto.
Presentación cos artistas da Composfest.
Chuco Barreiro, Caneda, Carlangas e Bellido no acto de Make Compos Great Again.
Caneda deu un discurso durante o acto.
O acto estivo patrocinado por Fútbol Mahou.
Camisetas de Make Compos Great Again
Make Compos Great Again.
Caneda e Carlangas na presentación.
  • A SD Compostela lanza a campaña “Make Compos Great Again” aliados con El Club, a axencia creativa comandada polo cantante CARLANGAS e Natalia Ferviú

 

Santiago de Compostela, 4 de maio de 2023

A SD Compostela lanza “Make Compos Great Again” para lembrar a época dourada da entidade. Segundo Carlangas, creador da campaña que conta co apoio de Mahou, patrocinador oficial da entidade, “a idea é facer reconectar aos que como eu, teñen un sentimento profundo cara ao club e fóronse desconectando ao longo dos anos, aos que seguen aí e aos que teñen á SD Compostela preto e non coñecen o seu pasado na elite. Tamén aos miles de fans do fútbol dos 90 que gardan agarimo ao Compos”. Unha acción para volver saborear o que para moitos é o Compostela: “un sentimento máis aló dos logros deportivos”.

Como afirma o cantante: “hai algo mellor que o Compos e é ser do Compos”. A idea con esta campaña é que os pósters volvan colgar das paredes dos bares, que as bandeiras se colguen nos balcóns e que a xente volva a enfundarse con camisetas, gorras e bufandas da S.D Compostela.

 

Un proxecto que liga música e fútbol.

 

Para a ocasión, El Club, a axencia creativa que comanda o cantante xunto á mediática Natalia Ferviú, propón unha colección de merchandising que podería lembrar ás colaboracións entre músicos e clubs de fútbol que tan frecuentemente se dan na liga inglesa.

E precisamente en torno a esa idea vira a acción: Caneda, Fabiano ou o Tato Abadía convertidos en estrelas pop, pasados ao ferro en camisetas, bufandas, bandeiras e gorras baixo o lema “Make Compos Great Again”, que ironiza desde unha perspectiva humorística cun dos grandes slogans políticos dos últimos tempos.

“Queriamos ir máis aló do produto exclusivamente deportivo”, afirma Carlangas, “a idea era crear algo máis no terreo do merchandising dunha banda de punk ou de pop, pero co imaxinario e a estética do Compostela. Natalia Ferviú era perfecta para traducir esta idea en pezas que a xente se poida poñer no seu día a día”.

Con esta idea, a SD Compostela repartirá os pósters co obxectivo de que ningún local de hostalería compostelán quede sen a súa copia.

Ademais de todo isto, “Make Compos Great Again” vén acompañado por unha serie de vídeos dirixidos pola propia Ferviú e protagonizados por Jose María Caneda, Fabiano, Bellido, Suso Moure, Chuco Barreiro, ex encargado de material de club, ou Manuel Pampín, histórico comentarista da TVG.

Todos eles, rodeados de representantes da afección, fan cobrar máis sentido que nunca ao claim de Mahou: “O fútbol é máis fútbol cando nos atopamos”. Esta mensaxe fai referencia ao apoio de Mahou como patrocinador oficial do Compos, co que demostra o seu compromiso e o seu fiel soporte ao club e á afección, xerando encontros entre persoas en torno ao fútbol que nos axudan a vivir mellor.

“Make Compos Great Again” nace coa ilusión de brillar de novo entre os grandes, como aquel mítico equipo que encandeou a toda España. “Con isto mandamos un saúdo a todos os de fóra que lembran ao Compos con agarimo. Aquí estamos e volveremos” sentenza Carlangas.

 

En liña co Composfest, nas Festas da Ascensión.

 

Ao mesmo tempo, desde a SD Compostela celebrarán o 30 aniversario do histórico ascenso a Primeira División coa celebración do COMPOSFEST, no marco das festas da Ascensión de Santiago. “É o día de volver encher a praza dá Quintana con camisetas, bandeiras e bufandas do Compos e celebrar as festas da cidade. Diría que é o día do orgullo compostelán”, matiza entre risas Carlangas.

O grupo Ruxe-ruxe, Nastasia Zürcher, Moncho y los Apóstoles e o propio CARLANGAS serán os encargados de encher de música a praza, nun día que promete ser histórico para a cidade. Para quentar motores, no estadio de San Lázaro, soará o resto da tempada unha playlist elaborada, única e exclusivamente, con bandas compostelás de todos os tempos e que o club poñerá ao dispor dos afeccionados.

Pola súa banda, os produtos de “Make Compos Great Again” estarán xa á venda mañá mesmo, tanto na Tenda Oficial da Rúa dá Raíña, como na Tenda Online da SD Compostela (https://tienda.sdcompostela.com/es/).

 

Presentación en San Lázaro.

 

Ao acto de presentación, celebrado no vestiario do equipo, acudiron o propio Carlangas; Txus Sáez, márketing local e de clientes de Mahou San Miguel en Galicia; Sindo Guinarte, concelleiro de Turismo e Festas; así como varios membros da Xunta directiva do club e, como non, algún dos protagonistas da campaña como foron Jose María Caneda, Bellido ou Chuco Barreiro.

Youtube

Instagram Compos

Flickr Amadeo Rey

  • CORUXO- 0 COMPOSTELA- 0
  • CORUXO- 0 COMPOSTELA- 0
  • CORUXO- 0 COMPOSTELA- 0
  • CORUXO- 0 COMPOSTELA- 0
  • CORUXO- 0 COMPOSTELA- 0
  • CORUXO- 0 COMPOSTELA- 0

Instagram Canteira

Twitter Canteira

Facebook

14 hours ago

SD Compostela
Este sábado, en Oviedo, só vale gañar para poder seguir na pelexa! 🩵🤍🆚 Real Oviedo Vetusta🗓️ 20.04.24⏰ 16.00🏟️ El Requexón 📺 www.youtube.com/@realoviedo#VetustaCompos ... See MoreSee Less
Ver en Facebook

17 hours ago

SD Compostela
🗓️ 𝐏𝐋𝐀𝐍 𝐃𝐄 𝐓𝐑𝐀𝐁𝐀𝐋𝐋𝐎⚒️ Tralo gran esforzo de onte, os nosos regresan esta mañá ao traballo centrados no seguinte obxectivo, conseguir a vitoria ante o Real Oviedo Vetusta#VetustaCompos ... See MoreSee Less
Ver en Facebook

1 day ago

SD Compostela
🎙️ 𝐑𝐝𝐏 | Antón Permuy 🗣️ Valoración do técnico tralo empate contra o Pontevedra Club de Fútbol SAD no derbi disputado no Vero Boquete#compospontevedra ... See MoreSee Less
Ver en Facebook

1 day ago

SD Compostela
🔚 FINAALCOMPOS 🩵🤍2️⃣-2️⃣Pontevedra Club de Fútbol SAD ⚽️ Hugo Matos | David SotoUn punto para os nosos logo dun derbi moi equilibrado. Gran encontro dos nosos no Vero Boquete#compospontevedra ... See MoreSee Less
Ver en Facebook

1 day ago

SD Compostela
𝐃𝐄𝐒𝐂𝐀𝐍𝐒𝐎 ⏸COMPOS 🩵🤍2️⃣-1️⃣Pontevedra Club de Fútbol SAD ⚽️ Hugo Matos | David Soto👉 Gran primeira metade dos nosos que comezou e acabou da mellor maneira! A SEGUIR!!!!#compospontevedra ... See MoreSee Less
Ver en Facebook

All contents © copyright SD Compostela. All rights reserved.