A SD Compostela é equipo de playoff

14 de Maio de 2023
Parapar celebrando o seu primeiro gol da tempada co Compos.
A SD Compostela é equipo de playoff.
Pato regresou ao equipo.
Mario Rodríguez, que regresou ao once da SD Compostela, nunha acción do partido.
Parapar celebra o seu golazo.
  • O Compos empatou 1-1 na casa contra o Marino e quedou cuarto na liga, posición que dá dereito á fase de ascenso

Santiago de Compostela, 14 de maio de 2023

A SD Compostela é equipo de playoff. Os nosos empataron 1-1 contra o Marino de Luanco e clasificáronse para a fase de ascenso como cuartos clasificados. Obxectivo cumprido para o Compos que xogará a primeira eliminatoria coa ida na casa, o vindeiro domingo, no Vero Boquete de San Lázaro.

Para lograr o obxectivo, o Compos arrincou da mellor maneira, cun gol de Parapar, aos once minutos, na primeira aproximación branquiazul. A vantaxe compostelanista mantívose durante todo o encontro, con aproximacións claras dos nosos, aínda que sen premio. E no 87, un centro con veleno desde a dereita, cabeceábao Cárcaba á rede para poñer o empate.

Con todo, o punto servía aos nosos e o obxectivo cumpriuse co asubío final: o Compos xogará a fase de ascenso.

 

ANÁLISE DO PARTIDO DA SD COMPOSTELA.

 

Chegaba a SD Compostela á última xornada de liga dependendo de si mesmo para clasificarse para o playoff de ascenso. En cuarta posición e con 53 puntos, os nosos tiñan na súa man o pase, pero para iso debían superar ao Marino de Luanco.

Coa afección respondendo as iniciativas levadas a cabo polo club ao longo da semana, este partidazo convertido en final lucía un ambientazo xa propio de playoff.

O regreso de Pato, tras superar a súa lesión, era a gran novidade no once de Juan Carlos Andrés, que tamén recuperaba a Kike para a zaga e a Mario Rodríguez para o ataque.

Desexaban os nosos dominar o encontro, sabendo da dificultade do duelo, e os seus desexos convertéronse en ordes porque aos 11 minutos chegaba o primeiro da matinal.

Parapar recibía no pico da área, escorábase o balón para a súa brillante zurda e soltaba un lategazo ao segundo pau que entraba por toda a escuadra. Un auténtico golazo que levaba o delirio aos máis de 2.000 espectadores que arroupaban aos nosos esta mañá.

Estaba o partido onde quería o Compos. A vitoria amornaba os ánimos e puña a clasificación máis próxima. Esta confianza notábase e chegaban momentos de bo fútbol dos nosos, levando o peso da posesión.

Nestes instantes de control estaba preto de chegar o segundo, á saída dun córner, pero o remate de cabeza de Kike, no primeiro pau, escapábase por encima do traveseiro por pouco.

A pesar do dominio branquiazul, os asturianos estaban ben plantados en defensa e iso impedía que os nosos atopasen claridade para chegar á área. Si a atoparía Parapar, partindo desde a dereita, pero tras varios caneos e cando quería rematar, caía na área, sen que o colexiado decretase nada.

Por iso, sen máis accións de perigo, cun Pato inédito nos primeiros corenta e cinco minutos, chegábase ao intermedio co 1-0 para o Compos.

Á volta dos vestiarios, sen nada que perder, os visitantes soltáronse máis e pasaron a levar o manexo do esférico. O Compos, pola súa banda, estaba máis repregado, pero non perdía opción para poder montar algún contragolpe cada vez que roubaba o esférico.

A entrada de Darío, na punta, daba pernas frescas aos nosos e iso percibíase en cada ataque. O dianteiro santiagués volvía tolo aos centrais, gañando os duelos tanto por arriba como en carreira, aínda que lle faltaba ese chisco de sorte para atopar a un compañeiro ou a portería.

Na máis clara, recibía o pase atrás de Mario Rodríguez, pero golpeaba frouxo e atrapaba o porteiro. Tamén o probaría Samu, de lonxe, pero o seu golpeo potente marchábase por pouco.

Noutra desas contras tan perigosas, encabezadas polo ariete, Fer Beltrán, na súa última acción no campo, remataba sen excesiva forza, chocando o seu tiro contra un defensor trala boa asistencia de Darío.

E aínda habería outra cuarta opción, de novo nas botas de Darío, pero tras gañar a pelota en carreira, chegaba forzado e non podía orientar o seu remate cara á portería, atopándose co lateral da rede.

Entrábase, por tanto, na recta final do duelo coa vantaxe mínima e iso animaba aos asturianos que atoparían o seu premio nunha acción illada. Un balón ao espazo por banda dereita, un centro medido ao segundo pau e unha cacholada de Jairo Cárcaba á cepa do poste, facendo imposible a estirada de Pato, 1-1.

O empate impedía aos nosos escalar ata a terceira praza, pero tamén servía para clasificarse para o playoff. Quedaba pouca marxe de manobra, menos aínda cun desconto tan curto, polo que a contenda terminábase co empate.

Co punto conseguido e xa seguros de que o obxectivo estaba a bo recado, os demais resultados deixaban ao Compos na cuarta posición do Grupo 1 da Segunda RFEF. Lográbase o reto: a SD Compostela será equipo de playoff.

Co cuarto posto, os nosos enfrontaranse a un terceiro clasificado doutro grupo, disputando o partido de ida como locais. Por tanto, o vindeiro domingo, o Vero Boquete acollerá a estrea do Compos no playoff de ascenso. O rival coñecerase mañá no sorteo que se realizará na sede da RFEF.

 

FICHA TÉCNICA

1- SD COMPOSTELA: Pato Guillén; Roque, Kike, Álvaro Casas, Riki Mangana; Pablo Antas; Parapar (Martín, m.91), Samu, Fer Beltrán (Jordan, m.75), Mario Rodríguez (Elliot, m.75); e Jaime Santos (Darío, m.60).

1- CLUB MARINO DE LUANCO: Jure; Adolfo (Borja, m.72), Trabanco (Nazim, m.84), M. Prado, Guaya; Pinin, Lora; Luis Nuño, Nino (Isma Fagir, m.84), Dailos (Óscar, m.72); e Guille Cueto (Jairo Cárcaba, m.60).

GOLES: 1-0: Parapar, min.11; 1-1: Jairo Cárcaba, min.87.

ÁRBITRO: Martínez Campillos (Illas Baleares). Amoestou a Kike e Roque, polo Compos; e a Guaya, polo Marino.

INCIDENCIAS: Estadio Verónica Boquete de San Lázaro (Santiago de Compostela). Xornada 34 de liga do Grupo 1 da Segunda RFEF disputado ante 2.413 espectadores.

Youtube

Instagram Compos

Flickr Amadeo Rey

  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1

Instagram Canteira

Twitter Canteira

Facebook

1 day ago

SD Compostela
👏 @samurodriguez14, #JugadorCincoEstrellas da SD Compostela 23.24 🩵🤍🏆 O capitán, cos votos da afección en Twitter, foi elixido como o xogador máis destacado da tempada, logo de ser fundamental na segunda volta🤝 @futbolmahou 🍻 ... See MoreSee Less
Ver en Facebook

2 days ago

SD Compostela
Hoxe temos de aniversario ao noso míster 🩵🤍🎂 Moitos parabéns, Antón!🙌 Que veña un ano cheo de éxitos e que os desfrutemos xuntos! ... See MoreSee Less
Ver en Facebook

2 days ago

SD Compostela
Nova SEDE dos Campus Xacobeos! Prezo subvencionado para os empadroados en O Pino e Touro grazas ao noso patrocinador Proxecto Touro - Cobre San Rafael#CampusXacobeosOs 𝐦𝐞𝐥𝐥𝐨𝐫𝐞𝐬 𝐂𝐚𝐦𝐩𝐮𝐬, os do 𝐂𝐨𝐦𝐩𝐨𝐬 🩵🤍🙌🏻 Nova sede! Desta vez en 𝐓𝐨𝐮𝐫𝐨, do 8-19 de Xullo!🤝 Grazas a @cobresanrafael, os/as nenos/as empadroados en Touro e O Pino pagarán 30€ polas 2 semanas do #CampusXacobeos✍🏻 Inscríbete na ligazón da nosa bio! ... See MoreSee Less
Ver en Facebook

3 days ago

SD Compostela
Hoxe está de aniversario o noso capitán e candidato ao #JugadorCincoEstrellas, Samuel Rodriguez Noya 🩵🤍🎂 Moitos parabéns, Samu! ... See MoreSee Less
Ver en Facebook

All contents © copyright SD Compostela. All rights reserved.