Todos xuntos, daremos o primeiro paso no playoff: este domingo apoia ao Compos contra o Tarazona

15 de Maio de 2023
Prezos para a primeira eliminatoria do playoff para o Compos
  • As entradas para o partidazo, o domingo ás 12.00, custarán 8€ aos abonados e 15€ ao non abonados

  • Os menores de idade abonados entrarán gratis e os que non o son pagarán 1€
  • Pódense comprar na web (https://sdcompostela.acyti.com/), na Tenda, na Oficina ou no Despacho de billetes

Santiago de Compostela, 15 de maio de 2023

A SD Compostela xa coñece a súa primeira etapa do camiño cara ao ascenso. O seu rival na primeira eliminatoria do playoff será a SD Tarazona, terceiro clasificado do Grupo 2 da Segunda RFEF. Co obxectivo marcado, os nosos iniciarán esta ruta na casa. Este domingo, ás 12.00 horas, disputarase o primeiro partido da Fase de Ascenso no Vero Boquete de San Lázaro, un partidazo no que necesitamos o apoio de todos.

Para poder lograr o salto de categoría á Primeira RFEF precisamos toda a forza do compostelanismo, especialmente no Vero Boquete. O noso feudo ten que ser un fortín e por iso queremos que San Lázaro luza, este domingo de Ascensión, coas súas mellores galas.

E para conseguir ese ambientazo necesario para inclinar a balanza ao noso favor, os prezos das entradas para o partidazo de playoff contra o Tarazona serán os seguintes:

ABONADOS

8€ – ADULTOS

GRATIS – MENORES DE IDADE

NON ABONADOS

15€ – ADULTOS

1€ – MENORES DE IDADE

 

O prezo será igual para ambas bancadas, tanto para Tribuna como para Preferencia. E estas entradas poderanse comprar, a partir de mañá martes, por catro vías:

  • Na web: https://sdcompostela.acyti.com/
  • Na Tenda Oficial: todos os días desde as 10.30 ata as 20.30 horas
  • Na Oficina do Club: o martes e o venres de 10.00 a 13.00 e de 16.00 a 20.00
  • No Despacho de billetes: o domingo, desde as 10.45 horas

Ademais, durante o festival Composfest, tamén se poderán comprar na propia Praza da Quintana. Desde as 16.00 horas teremos montado unha caseta na que ademais de poder mercar o merchan do club, tamén estará habilitada a venda de entradas para o playoff.

 

Bonos Activa Comercio na Tenda Oficial da SD Compostela.

 

Un ano máis, a Tenda Oficial da SD Compostela, na Rúa da Raíña, está adherida á Campaña Bonos Activa Comercio da Xunta de Galicia. Grazas a iso, se se compran as entradas no establecemento, poderase gozar dun desconto extra.

Deste xeito, se a compra supera os 20€ e non chega aos 30, descóntanse 5€. Se supera os 30€ e non alcanza os 50€, descóntanse 10€. E para compras superiores a 50€, descóntanse 15€.

Así mesmo, estes descontos da campaña tamén se poden empregar para a compra de calquera artigo da nosa Tenda física.

 

Información importante para os abonados do Compos.

 

Para acceder ao partidazo contra o Tarazona, os abonados da SD Compostela deberán presentar, na porta de acceso ao Vero Boquete, tanto a entrada como o seu abono.

Pola súa banda, os menores de idade abonados pasarán como habitualmente, ensinando o seu abono no control da porta de acceso.

 

Formato do playoff de ascenso.

 

Esta primeira eliminatoria para a SD Compostela, na que se medirá á SD Tarazona, decidirase a dobre partido. A ida disputarase este domingo ás 12.00 horas no Vero Boquete e a volta será, a semana próxima, no Municipal de Tarazona.

Nos partidos non haberá valor dobre dos goles fóra da casa, polo que pasará á final polo ascenso o equipo que resulte gañador trala disputa dos 180 minutos da eliminatoria. No hipotético caso dun empate, durante a disputa da prórroga, o Compos estará obrigado a gañar, dado que, se no tempo extra se mantivese o resultado, pasarían os aragoneses.

 

O soño do ascenso, un paso máis preto.

 

Tras lograr o primeiro obxectivo, a clasificación para o playoff, o soño do ascenso a Primeira RFEF para a SD Compostela está un pasiño máis preto.

Con ese obxectivo, pedimos o apoio de todos para facelo posible. Este domingo, todos ao Vero Boquete. Xuntos, podemos lograr unha vitoria transcendental.

Youtube

Instagram Compos

Flickr Amadeo Rey

  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1

Instagram Canteira

Twitter Canteira

Facebook

3 days ago

SD Compostela
🙌 UN DOS NOSOS 🩵🤍💪 Samu Rodríguez renova ata 2026👉 O capitán e #JugadorCincoEstrellas desta tempada chegará ás 10 tempadas como branquiazul Samuel Rodriguez Noya 🩵🤍✍️ sdcompostela.com/2024/05/23/un-puntal-para-el-compos-samu-rodriguez-dos-anos-mas-de-blanquiazul/#samu2026 ... See MoreSee Less
Ver en Facebook

6 days ago

SD Compostela
🩵🤍 Grazas, Pato!🎙️ Rolda de prensa de despedida do porteiro tras seis tempadas defendendo a portería branquiazul 🧤🤝 Sempre un dos nosos! ... See MoreSee Less
Ver en Facebook

6 days ago

SD Compostela
⚽️ Semana de adestramentos👉 O equipo inicia unha nova semana con catro sesións previstas, todas elas no campo do Sergas ... See MoreSee Less
Ver en Facebook

All contents © copyright SD Compostela. All rights reserved.